close
Եղանակը Երևանում
14 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
14 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բայդենի հրամանով՝ ԱՄՆ–ն ավիահարվածներ է հասցրել Սիրիայում իրանամետ խմբավորումների թիրախներին

Աշխարհ

26 Փետրվարի 2021, 13:46
 Բայդենի հրամանով՝ ԱՄՆ–ն ավիահարվածներ է հասցրել Սիրիայում իրանամետ խմբավորումների թիրախներին

ԱՄՆ նախագահ Ջո Բայդենի հրահանգով՝ ավիահարվածներ են հասցվել Սիրիայում իրանամետ խմբավորումների թիրախներին: Այս մասին ասվում է Պենտագոնի հասարակայնության հետ կապերի ղեկավարի օգնական Ջոն Քիրբիի հայտարարության մեջ:

«ԱՄՆ նախագահ Ջո Բայդենի հանձնարարությամբ՝ զինված ուժերը ավիահարվածներ են հասցրել Սիրիայի արևելքում՝ իրանամետ զինված խմբավորումների կողմից օգտագործվող ենթակառուցվածքներին: Հարվածները պատասխանն էին Իրաքում Միացյալ Նահանգների և կոալիցիայի ներկայացուցիչների դեմ վերջերս կատարված հարձակումների, ինչպես նաև նրանց ուղղված սպառնալիքների,- ասվում է հայտարարության մեջ:- Հարվածները ոչնչացրել են մի քանի օբյեկտներ, որոնք գտնվում էին անցակետում, որն օգտագործում էին բազմաթիվ իրանամետ խմբավորումներ, այդ թվում՝ «Քաթաիբ Հըզբոլլահը» և «Քաթաիբ Սայիդ ալ Շուհադը»:

Ըստ Քիրբիի՝ այս համարժեք ռազմական պատասխանը տրվել է դիվանագիտական միջոցառումների հետ մեկտեղ, ներառյալ՝ կոալիցիայի գործընկերների հետ խորհրդակցությունները: «Միևնույն ժամանակ, մենք գործեցինք ճշգրտված ձևով՝ ձգտելով լիցքաթափել իրավիճակը Սիրիայի հյուսիսում և Իրաքում։ Գործողությունը հստակ ազդանշան է, որ նախագահ Բայդենը կպաշտպանի ԱՄՆ-ի ու կոալիցիայի ծառայողներին»,- ասվում է հայտարարության մեջ:

Մարդու իրավունքների սիրիական դիտարանը (SOHR) հայտնում է, որ ԱՄՆ օդային հարվածի արդյունքում 17 իրանամետ զինյալներ են զոհվել:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica