close
Եղանակը Երևանում
14 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
14 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իրանը կունենա ծանր հեռահար ԱԹՍ-ներ

Տարածաշրջան

25 Փետրվարի 2021, 13:06
 Իրանը կունենա ծանր հեռահար ԱԹՍ-ներ

Իրանն իր առաջին մարտական անօդաչու թռչող սարքերի լայնամասշտաբ արտադրության վերջին փուլում է։ Դրանք ունակ են հաղթահարել մինչև 3000 կմ տարածություն: Փետրվարի 24-ին այս մասին հայտնել է Իրանի Իսլամական Հանրապետության ռազմաօդային ուժերի հրամանատար, բրիգադային գեներալ Ազիզ Նասիրզադե:

«Կաման-22» ծածկագրով անօդաչու ինքնաթիռը նախագծվել և մշակվել է երկրի օդուժի պահանջներին համապատասխան. հաղորդում է իրանական Press TV- ն:

Ըստ տեղեկատվության՝ «Կաման-22»-ը հագեցած է տարբեր տեսակի «խելացի» զինամթերքով, ինչպես նաև տարբեր օպտիկական եւ էլեկտրոնային սարքավորումներով: Հետախուզական և հարվածային անօդաչու թռչող սարքն ունակ է 24 ժամ օդային առաքելություններ իրականացնել:

«Անօդաչու թռչող սարքը կամրապնդի Իրանի ռազմաօդային ուժերի մարտունակությունը»,- վստահություն է հայտնել Ազիզ Նասիրզադեն:

Իրանի ռազմաօդային ուժերը անցած տարվա նոյեմբերի սկզբին բանակային զորավարժությունների ընթացքում առաջին անգամ կիրառեցին ծանր ռմբակոծիչ անօդաչու թռչող սարքեր: Իրանական «Քարրար» հարվածային անօդաչու սարքը Սպահան նահանգում «Երկնքի պաշտպաններ» զորավարժությունների ժամանակ 227 կիլոգրամանոց ռումբ է նետել ցամաքային թիրախների վրա: Մինչ այժմ նման ռումբերը տեղափոխում էին միայն F-4 և F-5 կործանիչները, որոնք իրանական բանակի զինանոցում: Իրանը սեպտեմբերին հայտնել էր, որ «Քարրար» անօդաչու ինքնաթիռը կիրառվում է Պարսից ծոցում զորավարժությունների ընթացքում Իրանի հակաօդային պաշտպանության գոտի մուտք գործած ամերիկյան ինքնաթիռներին որսալու համար:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica