close
Եղանակը Երևանում
18 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
18 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հնարավո՞ր է այսքան «զուգադիպություն»․ «Իսկանդերի» մասին Փաշինյանի հայտարարությանը նախորդել է իշխանամերձ որոշակի շրջանակի հակառուսական հերթական հիստերիան. «Փաստ»

Մամուլի տեսություն

25 Փետրվարի 2021, 08:14
 Հնարավո՞ր է այսքան «զուգադիպություն»․ «Իսկանդերի» մասին Փաշինյանի հայտարարությանը նախորդել է իշխանամերձ որոշակի շրջանակի հակառուսական հերթական հիստերիան. «Փաստ»

«Նախօրեին տված հարցազրույցում «Իսկանդերի» մասին Նիկոլ Փաշինյանի հայտարարությունը իսկական սկանդալի պատճառ է դարձել: Դրան արդեն արձագանքել են ոչ միայն ռուսական լրատվամիջոցները, այլև փորձագիտական և պաշտոնական շրջանակները՝ «վատ պարողին գիտենք՝ ինչն է խանգարում» ձևակերպման հանգվույն:

Փաշինյանին ռուսները փաստացի մեղադրում են սուտ խոսելու մեջ: Բազմաթիվ փորձագետների համոզմամբ, Փաշինյանը շարունակում է սխալներ գործել, ընդ որում՝ ոչ միայն Հայաստանի հանդեպ: Դիտավորյալ թե չգիտակցելով, այլ խոսակցության թեմա է: Սակայն ուշագրավ է, որ այս հայտարարությանը նախորդել էր իշխանամերձ որոշ շրջանակների հակառուսական հերթական հիստերիան, որը փորձագետներից շատերը համարում են ամենևին ոչ պատահական:

Ընդ որում, դարձյալ թիրախավորվում են 102-րդ ռազմաբազան ու, որ ամենատարօրինակն է, նաև ռուս խաղաղապահները: Ռազմական փորձագետ Դավիթ Ջամալյանը «Փաստի» հետ զրույցում նշեց, որ Նիկոլ Փաշինյանը շատ կարևոր խնդիր ունի, որը մինչև վերջ պետք է հասցնի: «Խոսքը հակառուսականության տարածման, ռուսական գործոնի հանդեպ ատելություն սերմանելու մասին է: Դաշնակցի հանդեպ անվստահության ու ատելության քարոզը, որը քողարկված տեսք ունի, պետք է ավարտին հասցնի: «Իսկանդերի» հետ կապված անհեթեթությունն այդ նպատակն ուներ»,-ասաց նա:

Սրան զուգահեռ նույն շրջանակները նորից սկսել են «ներքին թշնամիների» թեմայի շրջանառությունը, թե իբր Հայաստանի ինքնիշխանությունը, պետությունը վտանգված է... ընդդիմադիրների կողմից: Շատերի համոզմամբ, ներկայումս իշխանություններն ու իշխանության սպասարկուները նոր թափով են վերսկսել այն ամենը, ինչն ի վերջո հանգեցրեց ձախողման բոլոր ոլորտներում, պատերազմի ու խայտառակ պարտության»,- գրում է թերթը:

Նյութն ամբողջությամբ կարդացեք թերթի այսօրվա համարում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica