close
Եղանակը Երևանում
27 Փետրվարի 2021
+16°
+27°Ցերեկ
+15°Գիշեր
weather
close
Փոխարժեք
27 Փտր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գերմանիան ձգտում է ԵՄ-ի և Թուրքիայի հարաբերությունների կարգավորմանը

Տարածաշրջան

21 Հունվարի 2021, 15:09
 Գերմանիան ձգտում է ԵՄ-ի և Թուրքիայի հարաբերությունների կարգավորմանը

Գերմանիայի արտաքին գործերի նախարար Հայկո Մաասը ակնարկել է Թուրքիայի հետ հարաբերությունների նոր փուլի մասին:

«Եկել է ժամանակը մոռանալու անցյալի դժվար տարաձայնությունները»,- ասել է նա իր թուրք գործընկեր Մևլյութ Չավուշօղլուի հետ հանդիպումից հետո:

Մաասը ժամանել է Թուրքիա` խթանելու բանակցությունները Հունաստանի հետ՝ կապված երկու երկրների միջև Միջերկրական ծովում քաղաքական և ռազմական վեճերի սրման հետ. հաղորդում է DPA-ն: Հաջորդ շաբաթ Թուրքիան և Հունաստանը երկկողմ բանակցություններ կանցկացնեն`լուծելու իրենց ծովային տարաձայնությունները, չնայած երկու կողմն էլ դեռ պետք է համաձայնության գան դրանց ծավալների վերաբերյալ:

Գերմանացի նախարարը նաև աջակցել է ԵՄ-ի առջև իր պարտավորությունները վերականգնելու՝ Թուրքիայի վերջին ջանքերին: «Ես շատ կցանկանայի, որ ԵՄ-ի և Թուրքիայի հարաբերությունները բարելավվեին, խորանային, և կողմերն օգտագործեին բոլոր հնարավորություններն ու ներուժը»,- շեշտել է նա:

Մաասը չի մեկնաբանել մարդու իրավունքների խնդիրները, սակայն նշել է, որ Չավուշօղլուի հետ քննարկել է նման դեպքեր:

Հիշեցնենք, որ դեկտեմբերին կայացած գագաթնաժողովում ԵՄ առաջնորդները համաձայնել են պատժամիջոցներ կիրառել Միջերկրական ծովում գազի որոնողական-հորատման աշխատանքներում ներգրավված թուրքերի նկատմամբ, սակայն ուղղակի գործողություններ չեն ձեռնարկել Թուրքիայի տնտեսության կամ կառավարության դեմ: ԵՄ առաջնորդները հետաձգել են ավելի խիստ պատժամիջոցները մինչև մարտ:

Ավելի վաղ Թուրքիայի նախագահ Ռեջեփ Թայիփ Էրդողանը նույնպես ասել էր, որ Թուրքիան մտադիր է հավատարիմ մնալ ԵՄ-ին անդամակցելու գործընթացին:

Միևնույն ժամանակ, Չավուշօղլուն չորեքշաբթի բանակցություններ է վարել Եվրոպական խորհրդի և Եվրահանձնաժողովի բարձրաստիճան պաշտոնյաների, ինչպես նաև Եվրախորհրդարանի ներկայացուցիչների հետ:

Հոսանքազրկումներ կլինեն
27 Փետրվարի 2021, 10:22 Հոսանքազրկումներ կլինեն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica