close
Եղանակը Երևանում
28 Փետրվարի 2021
+16°
+27°Ցերեկ
+15°Գիշեր
weather
close
Փոխարժեք
28 Փտր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Թուրքիան նախապատրաստվում է Հայաստանի դեմ հարձակման․ Ռ․ Սաֆրաստյանը՝ Կարսում զորավարժությունների մասին

Հասարակություն

18 Հունվարի 2021, 21:42
 ՏԵՍԱՆՅՈՒԹ․ Թուրքիան նախապատրաստվում է Հայաստանի դեմ հարձակման․ Ռ․ Սաֆրաստյանը՝ Կարսում զորավարժությունների մասին

Թուրքիան նախապատրաստվում է Հայաստանի դեմ հարձակման․ իհարկե, կարծում եմ, որ այս զորավարժությունները չեն վերաճի ռազմական գործողությունների, բայց միտումը ակնհայտ է՝ Yerkir.am-ի հետ հարցազրույցում ասաց ԳԱԱ Արևելագիտության ինստիտուտի գիտական ղեկավար, թուրքագետ Ռուբեն Սաֆրաստյանը՝ մեկնաբանելով փետրվարի 1-12-ը Հայաստանին սահմանակից Կարսում Թուրքիայի ու Ադրբեջանի համատեղ զորավարժությունը:

Այսպիսի եզրակացության առիթ է դարձել Ռուբեն Սաֆրաստյանի՝ մի առանձնահատկություն  նկատելը․ այս զորավարժություններն ունեն մեկ կարևոր միտում՝ նախապատրաստվել հարձակողական գործողությունների։

«Որովհետև մասնակցում են այնպիսի զորատեսակներ, որոնք հենց հարձակողական են, օրինակ, դեսանտային, տանկային ստորաբաժանումներ, դիպուկահարներ, հատուկջոկատայիններ»,-ասաց Ռուբեն Սաֆրաստյանը։

Եթե թուրքաադրբեջանական բանակը փորձի հենց հիմա հարձակվել, Ռուբեն Սաֆրաստյանի համոզմամբ, զսպող գործոն կարող է լինել Գյումրու ռուսական 102-րդ ռազմաբազան, ռուս սահմանապահների՝ ՀՀ սահմանի վրա հենց այդ տարածքում կանգնած լինելը, և նա համոզված է, որ Ռուսաստանն, իհարկե, կմիջամտի այս դեպքում։

Այս ուժի ցուցադրումը, որ իրականացնում են թուրքերը, ուղղված է ոչ միայն Հայաստանի Հանրապետության դեմ, այլ նաև Ռուսաստանի դեմ՝ ընդգծեց թուրքագետը՝ նշելով, որ զորավարժությունները ընդամենը մի քանի տասնյակ կմ հեռավորության վրա են ռուսական ռազմաբազայից Գյումրիում։

«Այնպես որ, սա ուժի ցուցադրություն է, և Թուրքիան ամեն կերպ ցույց է տալիս, որ ինքը այստեղ ձգտում է ուժեղացնել իր ներկայությունը և՛ ռազմական միջոցներով, և՛ քաղաքական»,-ասաց Ռուբեն Սաֆրաստյանը։

Զորավարժությունը կոչվում է «Ձմեռ 2021», և Ռուբեն Սաֆրաստյանը համոզված է, որ դա պատահական չէ․ Կարսը ձնառատ է և թուրքերն ու ադրբեջանցիները իրենց զորքին վարժեցնում են հարձակվելու հենց այդ պայմաններում։ Թուրքագետը մի պատմություն պատմեց։

«Գիտեք, մեր տարածաշրջանի համար սա շատ կարևոր առանձնահատկություն է․ օրինակ, ես հիշում եմ, որ 1920 թ-ին, երբ քեմալականները պատրաստվում էին հարձակվել Հայաստանի Հանրապետության վրա, 1920 թ-ի ձմռանը և գարնան առաջին ամիսներին Մուստաֆա Քեմալը երկու անգամ հրաման տվեց Կարաբեքիրին նախապատրաստվել պատերազմի Հայաստանի Հանրապետության դեմ և երկու անգամ Կարաբեքիրը մերժեց, որովհետև ասաց՝ ձյունը այս տարի շատ է եկել և հնարավոր չէ»,-ասաց նա։

Ռուբեն Սաֆրաստյանն արձանագրեց, որ այս զորավարժությունները հենց տեղի են ունենալու առատ ձյան պայմաններում, այսինքն, իսկապես նախապատրաստվում են հարձակման արդեն այսպիսի ծանր կլիմայական պայմաններում։

Աննա Բալյան

Այլ մանրամասներ՝ տեսանյութում․

Ամբոխահաճութեան վնասները
28 Փետրվարի 2021, 15:48 Ամբոխահաճութեան վնասները
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica