close
Եղանակը Երևանում
25 Հունվարի 2021
+16°
+27°Ցերեկ
+15°Գիշեր
weather
close
Փոխարժեք
25 Հնվ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ես տեսել եմ էս տղեքին կռվի դաշտում. նրանք ԱՆԿՈՏՐՈՒՄ ԵՆ, նրանք էս կռվից էլ չեն փախնելու, կիսատ չեն թողնելու, թեկուզ 1000 անգամ բռնեն. Գայանե Սահակովա

Քաղաքական

3 Դեկտեմբերի 2020, 22:25
 Ես տեսել եմ էս տղեքին կռվի դաշտում. նրանք ԱՆԿՈՏՐՈՒՄ ԵՆ, նրանք էս կռվից էլ չեն փախնելու, կիսատ չեն թողնելու, թեկուզ 1000 անգամ բռնեն. Գայանե Սահակովա

ՀՅԴ Կամավորական վաշտի հետ պատերազմի ողջ ընթացքում զինվորների կողքին կանգնած բժշկուհի Գայանե Սահակովան այսօր վարչապետի հրաժարականի պահանջով տեղի ունեցած ակցիայի ժամանակ ևս ուժով բերման էր ենթարկվել ոստիկանների կողմից: Գայանեն գրում է.

«Դուք գիտե՞ք՝ ինչ է նշանակում պատերազմի դաշտում հաց կիսել, մի ափսեից ուտել, մի բաժակով խմել, կիսել մի հատիկ շոկոլադը...հուզվել՝ չլացել, ուրախանալ, որ տնեցիների հետ այսօր խոսել ենք...էս տղեքը գիտեն...

Էս տղեքը իմ եղբայրներն են՝ սեպտեմբերի 27-ից, ես նրանցից մեկ եմ եղել, ում հետ նրանք կիսել են իրենց մի բաժին հացը...

Խաղաղ ցույց էինք անում, մեզ տրված ժամանակում փակում ու բացում էինք փողոցը, հանկարծ հրմշտոց սկսվեց, ոստիկանները քաշքշում էին եղբայներիս, տեսա, որ նրանց սկսեցին բերման ենթարկել եւ տարան դեպի մեծ ոստիկանական մեքենան...որոշեցի փակել հենց ոստիկանական մեքենայի ճանապարհը, հույսով, որ ոստիկանները կհասկանան՝ այս պայքարը իրենց դեմ չէ, իրենց եւ իրենց զավակների հնարավոր լավ ապագայի համար է եւ չեն տանի տղեքին...երբ եղբայրներիս բերման ենթարկող մեքենայի առաջը փակելու նպատակով նստեցի մեքենայի դիմաց, 4 ոստիկան՝ քաշքշելով, ոտքերս ու ձեռքերս բռնած, ինձ տարան, խցկեցին մեքենան, որտեղ եղբայրներս էին...նրանք սկսեցին ոստիկաններին համոզել, որ թողնեն ինձ. «չեք տեսնում, աղջիկ ա, մի քաշեք, թողեք, գոնե թողեք, թող ինքը գնա»- չթողեցին...

Ես նեղված չեմ, մեր պայքարն աթոռակռիվ չէ, արդար է...ես սրտնեղած եմ միայն եղբայրներիս համար, նրանք էլ, որ ինձ «բռնել» են...բայց....պետք է ասեմ, ես տեսել եմ էս տղեքին կռվի դաշտում-նրանք ԱՆԿՈՏՐՈՒՄ ԵՆ, հարգալից,ՊԱՏՎԱԽՆԴԻՐ- նրանք էս կռվից էլ չեն փախնելու, կիսատ չեն թողնելու-թեկուզ 1000 անգամ բռնեն...նրանց դավաճանել են մի գրչով, նրանց(մեր) սիրելի Արցախը դավադրաբար հանձնել են...նրանք կպայքարեն, կպայքարեն մինչեւ դավաճանը չգնա, մինչեւ մեր երկիրը գլուխը բարձրացնելու հնարավորություն չստանա՝ նիկոլի հեռանալով, էս տղեքը կպայքարեն, իսկ ես ուղղակի կլինեմ նրանց կողքին..

Հ.գ-երբ Նիկոլը գնա, ես իմ եղբայրների հետ կկիսեմ մեր ուրախության հացը...ու կլինի շոկոլադ, շաաատ շոկոլադ...»:

Ավելի վաղ տեղեկացրել էինք, որ Նիկոլ Փաշինյանի հրաժարականը պահանջող քաղաքացիների նախաձեռնած ակցիայի վայրից ոստիկանության Երևանի մի շարք բաժիններ բերման ենթարկել 43 անձի:


Տես նաև՝  Ոստիկանությունը բերման է ենթարկել նաև առաջնագծում զինվորի կողքին եղած բժշկուհուն:

Տես նաև՝ Արծրուն Հովհաննիսյա՛ն, դու էիր հպարտանում Գայանեով, ձա՛յն հանիր. Գ. Մանուկյան:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica