close
Եղանակը Երևանում
22 Հունվարի 2021
+16°
+27°Ցերեկ
+15°Գիշեր
weather
close
Փոխարժեք
22 Հնվ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԵԱՀԿ Մինսկի խմբի համանախագահ երկրները կոչ են արել տարածաշրջանից անհապաղ դուրս բերել բոլոր օտարերկրյա վարձկաններին

Քաղաքական

3 Դեկտեմբերի 2020, 19:06
 ԵԱՀԿ Մինսկի խմբի համանախագահ երկրները կոչ են արել տարածաշրջանից անհապաղ դուրս բերել բոլոր օտարերկրյա վարձկաններին

ԵԱՀԿ Մինսկի խմբի համանախագահ երկրներ կոչ են արել տարածաշրջանից անհապաղ դուրս բերել բոլոր օտարերկրյա վարձկաններին: Այս մասին ասվում է համանախագահ երկրների պատվիրակությունների ղեկավարների՝ Ռուսաստանի ու Ֆրանսիայի արտգործնախարարների, Միացյալ Նահանգների պետքարտուղարի տեղակալի այսօրվա համատեղ հայտարարությունում:

Միջնորդ երկրները կոչ են արել Հայաստանին ու Ադրբեջանին շարունակել լիարժեք կատարել նոյեմբերի 9-ին եռակողմ հայտարարությամբ, նաեւ հրադադարի վերաբերյալ մինչ այդ ստանձնած իրենց բոլոր պարտավորությունները: Համանախագահ երկրները նաեւ հորդորել են Երեւանին ու Բաքվին օգտվել հաստատված հրադադարից ու միջնորդների հովանու ներքո բանակցություններ սկսել տեւական ու կայուն խաղաղության հասնելու համար:

Այդ համատեքստում նրանք կոչ են արել հնարավորիս շուտ տարածաշրջանում հյուրընկալել համանախագահներին ու պարտավորվել առարկայական բանակցություններ վարել համաձայնեցված ժամանակացույցով՝ բոլոր չլուծված խնդիրները կարգավորելու համար: Ռուսաստանը, Ֆրանսիան ու Միացյալ Նահանգները կարեւորել են նաեւ ռազմագերիների ու զոհվածների մարմինների փոխանակումը, կրոնական ու պատմական ժառանգության պաշտպանությունը, տեղահանվածների վերադարձի համար բարենպաստ պայմաններ ստեղծելը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica