close
Եղանակը Երևանում
22 Հունվարի 2021
+16°
+27°Ցերեկ
+15°Գիշեր
weather
close
Փոխարժեք
22 Հնվ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պոմպեոն և Չավուշօղլուն տեսակոնֆերանսի ժամանակ վիճաբանել են Ղարաբաղյան հակամարտության հարցով. AMNA

Աշխարհ

3 Դեկտեմբերի 2020, 11:59
 Պոմպեոն և Չավուշօղլուն տեսակոնֆերանսի ժամանակ վիճաբանել են Ղարաբաղյան հակամարտության հարցով. AMNA

ՆԱՏՕ-ի արտգործնախարարների տեսակոնֆերանսի ժամանակ ԱՄՆ պետքարտուղար Մայք Պոմպեոն լեզվակռվի մեջ է մտել Թուրքիայի արտգործնախարար Մևլյութ Չավուշօղլուի հետ. հայտնում է Աթենքի Մակեդոնիայի լրատվական գործակալությունը (AMNA)՝ վկայակոչելով դիվանագիտական աղբյուրներ:

«ԱՄՆ պետքարտուղար Մայք Պոմպեոն, ՆԱՏՕ-ի արտգործնախարարների արտասովոր նիստում նշել է, որ Թուրքիան դեմ է Դաշինքի սկզբունքներին և գործողություններին և դրանով խաթարում է նրա միասնությունը»,- ասվում է հաղորդագրության մեջ:

Պոմպեոն անդրադարձել է Թուրքիայի «դերակատարմամբ» մի շարք վեճերի Լիբիայի, Սիրիայի, Արցախի, Միջերկրականի և Ս-400–ների վերաբերյալ։

Հաղորդվում է, որ Չավուշօղլուն սկսել է ընդդիմանալ նրան: Մասնավորապես՝ նախարարն իր «ափսոսանքն» է հայտնել, որ ԱՄՆ-ը դուրս է եկել «Թուրքիայի դեմ», աջակցել է «Հունաստանի և Կիպրոսի մաքսիմալիստական դիրքերին» և «ահաբեկչական կազմակերպություններին»: Բացի այդ՝ նա ասել է, որ «Ֆրանսիայի դիրքը Լիբիայում ամենամեծ սպառնալիքն է Դաշինքի միասնությանը»:

Թուրք նախարարը, ըստ գործակալության, իր խոսքն ավարտել է «ակնհայտ գրգռվածությամբ»`նշելով, որ ԵԱՀԿ Մինսկի խումբը, որը ղեկավարում է Ղարաբաղյան հակամարտության խաղաղ կարգավորման ուղիները, կողմնակալ է Հայաստանի նկատմամբ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica