close
Եղանակը Երևանում
19 Հունվարի 2021
+16°
+27°Ցերեկ
+15°Գիշեր
weather
close
Փոխարժեք
19 Հնվ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հացադուլ Գյումրիում. դպրոցի տնօրենը պահանջում է վերականգնել իր հպարտությունը․ Aravot.am

Քաղաքական

30 Նոյեմբերի 2020, 23:12
 Հացադուլ Գյումրիում. դպրոցի տնօրենը պահանջում է վերականգնել իր հպարտությունը․ Aravot.am

Aravot.am-ը գրում  է․ «Մոտ մեկ ժամ առաջ Շիրակի մարզպետարանի շենքի դիմաց անժամկետ հացադուլ հայտարարեց Գյումրու թիվ 2-րդ դպրոցի տնօրեն, դաշնակցական Հովհաննես Պետրոսյանը։ Նա մեզ հետ զրույցում ասաց, որ  պատճառը եռակողմ համաձայնագիրն է, ըստ որի, 2 ժամից հանձնում ենք Լաչինի փրկօղակը։ “Ես իմ քայլով կոչ եմ անում իմ ազգին ոտքի կանգնել, մենք երկիր ենք կորցնում։ Ես այսօր բառիս բուն իմաստով ինձ զգում եմ ստորացված, նվաստացած, չեմ ուզի ստորացված ապրել այս երկրում, առավել ևս չեմ ուզում, որ այդպես ապրեն իմ զավակները, իմ աշակերտները, իմ բարեկամները, իմ ընկերներ»,-ասաց Հովհաննես Պետրոսյանը։

Նա ցավով նշեց, որ իր շրջանավարտներից երեքը զոհվել են` առ ոչինչ տալով իրենց կյանքը։

Դպրոցի տնօրենը նաև նախազգուշացրեց, որ չփորձեն թիրախավորել իր ընտանիքին, ինքը երբևէ սոցցանցերում գրանցված չի եղել և չի պատրաստվում գրանցվել։

«Ես 21 տարուց ավել դպրոցի տնօրեն եմ, ես սովորեցրել եմ ապրել, սովորեցրել եմ սիրել հայրենիքը։ Այս տխրահռչակ հայտարարությունը ստորագրելուց հետո խորհրդակցում էի իմ պատմաբան ընկերոջ հետ, ասում էի` ի վերջո մեր դասագրքերում կա Շուշիի գրավման տոնակատարություն, «Հարսանիք լեռներում», հաջորդ մայիսին մենք ի՞նչ ենք ասելու մեր երեխաներին, մեր զավակներին։ Չգիտեմ, ես դատարկված եմ, ստորացված եմ, ես չեմ ուզում այդպես ապրել»,-ասաց տնօրենը։ Նա նաև նշեց, որ 2,5 տարի առաջ ասում էին` քայլ արա, այժմ իրական քայլ անելու ժամանակն է. պետություն ենք կորցնում, երկիր ենք կորցնում։

«Մեզ նվաստացրել են, այլևս լռելու տեղ չունենք, վախենալու տեղ չունենք, ումից վախենանք, երկիր ենք կորցրել։ Ուզում եմ այնպես անեն, որ որպես հայ` մի փոքր վերականգնվի հպարտությունս», հայտարարեց դաշնակցական տնօրենը»։

Դատախազությունը հերքում է
19 Հունվարի 2021, 14:10 Դատախազությունը հերքում է
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica