close
Եղանակը Երևանում
25 Հունվարի 2021
+16°
+27°Ցերեկ
+15°Գիշեր
weather
close
Փոխարժեք
25 Հնվ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիայի ԱԳՆ–ն մեկնաբանել է ԼՂՀ ճանաչման վերաբերյալ Ֆրանսիայի Սենատի բանաձևը

Արցախ

26 Նոյեմբերի 2020, 13:55
 Թուրքիայի ԱԳՆ–ն մեկնաբանել է ԼՂՀ ճանաչման վերաբերյալ Ֆրանսիայի Սենատի բանաձևը

Ֆրանսիայի Սենատի բանաձևը, որը կոչ է անում ճանաչել Ղարաբաղը, զուրկ է ողջամտությունից և սահմանափակում է Ֆրանսիայի մասնակցության հավանականությունը խնդրի լուծմանը. ասված է Թուրքիայի ԱԳՆ հայտարարության մեջ:

«Ղարաբաղյան հակամարտության վերաբերյալ Ֆրանսիայի Սենատի երեկ ընդունած որոշումը օրինակ է այն բանի, թե ինչպես են անտեսվում միջազգային իրավունքի, օրինականության և արդարության ամենահիմնական սկզբունքները ներքաղաքական պատճառներով: Մենք հերքում ենք Թուրքիայի դեմ որոշման մեջ ընդունված անհիմն պնդումները», - ասված է հայտարարության մեջ:

Նշվում է, որ Ֆրանսիայի Սենատի որոշումից պարզ է դառնում, թե ինչու «ԵԱՀԿ Մինսկի խմբի աշխատանքը, որն իրականացվում է համանախագահների կողմից, ովքեր պետք է չեզոք լինեն, միակողմանի էր և չէր կարող լուծել այս հարցը»:

«Հայաստանի ագրեսիայից և սադրանքներից հետո Ադրբեջանը անհրաժեշտ պատասխան տվեց և վերականգնեց իր տարածքային ամբողջականությունը՝ ազատագրելով գրեթե 30 տարի գրավյալ տարածքը: Դա նրա իրավունքների մարմնավորումն է, քանի որ ՄԱԿ-ի համապատասխան բանաձևերը հայկական կողմին հրամայում են անհապաղ և անվերապահորեն լքել գրավյալ ադրբեջանական տարածքը», –  նշում է Թուրքիայի արտգործնախարարությունը:

«Ֆրանսիական Սենատի՝ Ադրբեջանին իր տարածքները լքելու կոչը, որը նա փրկել է օկուպացիայից, անհեթեթ, կողմնակալ և իրականությունից կտրված հասկացողության դրսևորում է, որին հնարավոր չէ լուրջ վերաբերվել: Այս որոշումը՝ զուրկ ողջախոհությունից, սահմանափակում է նաև Ֆրանսիային՝ իրական լուծում ունենալու խնդրի լուծման գործում», - նշված է փաստաթղթում:

 Հասկացողնե՛ր, ոտքի՛...
25 Հունվարի 2021, 10:34 Հասկացողնե՛ր, ոտքի՛...
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica