close
Եղանակը Երևանում
26 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
26 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արցախցի կանայք Ադրբեջանին ու Թուրքիային զսպելու միակ միջոցը համարում են Արցախի անկախության ճանաչումը

Արցախ

24 Հոկտեմբերի 2020, 17:17
 Արցախցի կանայք Ադրբեջանին ու Թուրքիային զսպելու միակ միջոցը համարում են Արցախի անկախության ճանաչումը

Արցախցի կանայք, որոնք Ադրբեջանի սանձազերծած և Թուրքիայի կողմից աջակցվող պատերազմի պատճառով ստիպված լքել են իրենց տներն ու ժամանակավորապես հաստատվել Երևանում, Ադրբեջանին ու Թուրքիային զսպելու միակ միջոցը համարում են աշխարհի երկրների կողմից Արցախի անկախության ճանաչումը: Հոկտեմբերի 24-ին կայացած մամուլի ասուլիսում այս մասին ասաց «Արցախի կանանց նախաձեռնող խմբի» անդամ Սիրանուշ Սարգսյանը:

«Մեր պահանջն այն է, որ աշխարհը ճանաչի Արցախի անկախությունը: Ադրբեջանին ու Թուրքիային զսպելու միակ տարբերակը դա է, կոնկրետ պատժամիջոցներ կիրառվեն այդ պետությունների դեմ, և աշխարհը ճանաչի Արցախի անկախությունը: Այսօր մեզ համար կարևոր է ամեն մեկի ձայնը: Այս ճանաչումն այսօր ոչ միայն մեզ է պետք, այսօր այդ ճանաչումն աշխարհին է պետք: Ուզում եմ շնորհակալություն հայտնել մեր հայրենակիցներին, որոնք Արցախի անկախության պահանջով ցույցեր են անցկացնում արտերկրում, այն քաղաքներին, որոնք ճանաչում են Արցախի անկախությունը, վստահ եմ, որ ծավալվելու է անկախության ճանաչման այդ շարժումը»,- նշեց Սարգսյանը:

Նախաձեռնության անդամ Լիանա Ադամյանը հավելեց, որ իրենք միջազգային կառույցներից և աշխարհի երկրներից մարդասիրական օգնություն չեն ակնկալում:

«Մենք ոչ մի մարդասիրական օգնություն չենք ուզում: Ցանկանում ենք, որպեսզի միջազգային կառույցներն ու պետությունները կանգնեն մեր կողքին` բոլոր իրավական ճանապարհներով»,- ասաց Լիանա Ադամյանը:

Մահացել է Հենրիկ Բակունցը
26 Նոյեմբերի 2020, 15:12 Մահացել է Հենրիկ Բակունցը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica