close
Եղանակը Երևանում
25 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
25 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Human Right Watch-ը փաստագրել է Ադրբեջանի կողմից ԼՂ բնակիչների դեմ կասետային զենքի կիրառման դեպքեր

Արցախ

23 Հոկտեմբերի 2020, 12:46
 Human Right Watch-ը փաստագրել է Ադրբեջանի կողմից ԼՂ բնակիչների դեմ կասետային զենքի կիրառման դեպքեր

Ադրբեջանը Լեռնային Ղարաբաղի բնակելի տարածքների ուղղությամբ բազմիցս կիրառել է արգելված կասետային զինամթերք: Այս մասին հայտնում է Human Rights Watch-ը՝ ամփոփելով Արցախում հետաքննության արդյունքները:

2020-ի հոկտեմբերին Լեռնային Ղարաբաղում անցկացված հետաքննության ընթացքում Human Rights Watch-ը փաստագրել է Ադրբեջանի կողմից կասետային զինամթերքի կիրառման չորս դեպք:

«Կասետային զինամթերքի շարունակական կիրառումը, հատկապես՝ բնակավայրերում, ցույց է տալիս, որ անտեսվում է խաղաղ բնակչության անվտանգությունը: Կասետային զինամթերքը երբեք ոչ մի պարագայում չպետք է որևէ մեկի կողմից կիրառվի, առավել ևս՝ քաղաքներում ՝ քաղաքացիական անձանց համար կանխատեսելի և անընդունելի վտանգի պատճառով»,- ասել է Human Rights Watch-ի զենքի բաժնի տնօրեն և «Կլաստերային զինամթերք» կոալիցիայի նախագահ Ստեֆեն Գուսը:

Լեռնային Ղարաբաղի հակամարտության ընթացքում Human Rights Watch-ն ուսումնասիրում է, թե արդյո՞ք հակամարտության բոլոր կողմերը հավատարիմ են միջազգային մարդասիրական իրավունքին, որը զինված ուժերից պահանջում է տարբերակել զինծառայողներին քաղաքացիական անձանցից և ռազմական օբյեկտները՝ քաղաքացիական օբյեկտներից: Արգելվում են այն հարձակումները, որոնց ընթացքում կիրառվում է մարտական մեթոդ կամ միջոց, որը չի կարող ուղղված լինել միայն որոշակի օրինական ռազմական թիրախի:

Human Rights Watch-ը բազմիցս խնդրանքներ է ներկայացրել Ադրբեջանի կառավարությանը՝ տեղում հետաքննություն անցկացնելու թույլտվություն ստանալու համար, սակայն թույլատվություն դեռ չի տրվել:

Human Rights Watch-ն Ստեփանակերտի մի քանի վայրերում ուսումնասիրել է հրթիռների, հարվածների և զինամթերքի մնացորդները, որոնք պայթել են, ինչպես նաև չպայթածները: Կազմակերպությունը նաև ուսումնասիրել է հրթիռի՝ Հադրութում արված լուսանկարները, պայթյունի հետևանքները և զինամթերքի մնացորդները, ինչպես նաև չպայթած զինամթերքը:

Human Rights Watch- ը զրուցել է նաև վեց մարդու հետ, որոնք ականատես են եղել հարձակումներին: Ստեփանակերտի բնակիչները Human Rights Watch-ին հայտնել են, որ կասետային զինամթերքի կիրառմամբ հարձակումները սկսվել են սեպտեմբերի 27-ի առավոտյան Կարմիր խաչի միջազգային կոմիտեի գրասենյակից ոչ հեռու, քան 200 մ հեռավորության վրա գտնվող բնակելի տարածքում:

Human Rights Watch- ը միջազգային հասարակական կազմակերպություն է, որի կենտրոնակայանը գտնվում է Նյու Յորքում: Այն իրականացնում է մարդու իրավունքների վերաբերյալ հետազոտություններ:

Ճանաչենք մեր հերոսներին
25 Նոյեմբերի 2020, 15:08 Ճանաչենք մեր հերոսներին
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica