close
Եղանակը Երևանում
12 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
12 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանի ազգային հերոս Գարեգին Պողոսյանը Ջավախքից է

Արցախ

22 Հոկտեմբերի 2020, 16:39
 Հայաստանի ազգային հերոս Գարեգին Պողոսյանը Ջավախքից է

Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի. Հայրենիքի պաշտպանության և անվտանգության ապահովման գործում մատուցած բացառիկ ծառայությունների, մարտական գործողությունների ընթացքում ցուցաբերած անձնվիրության և արիության համար Հայաստանի Հանրապետության պաշտպանության նախարարության թիվ N զորամասի հրամանատար, գնդապետ Գարեգին Սամվելի ՊՈՂՈՍՅԱՆԻՆ պարգևատրել Հայրենիքի շքանշանով: Այս մասին տեղեկացրել է ՀՀ նախագահի աշխատակազմի հասարակայնության հետ կապերի վարչությունը: 

Հիշեցնենք՝ Հայրենիքի շքանշանը տրվում է «Հայաստանի ազգային հերոս» բարձրագույն կոչման արժանացած անձանց:

Yerkir.am-ը հայտնում է, որ Գարեգին Պողոսյանը ծնվել և հասակ է առել Ջավախքի Խավեթ գյուղում, այնուհետև ռազմական կրթությունն ու զինվորական կարիերան շարունակել տարբեր ռազմական հաստատություններում և հայկական զինված ուժերում:

Ջավախահայությունը ցնծությամբ է ընդունել իր հերոս զավակին Հայաստանի ազգային հերոսի կոչմանն արժանացնելու մասին լուրը:

Ինչպես արդեն տեղեկացրել ենք, ՀՀ ազգային հերոսի կոչմանն են արժանացել նաև ՀՀ ՊՆ գլխավոր շտաբի պետի առաջին տեղակալ, գեներալ-լեյտենանտ Տիրան Խաչատրյանը և ՊՆ թիվ N զորամասի հրամանատար, գեներալ-մայոր Անդրանիկ Փիլոյանը, ովքեր նախագահի հրամանագրերով պարգևատրվել են Հայրենիքի շքանշանով:

Այսպիսով՝ Հայաստանի ազգային հերոսների թիվը դարձավ 23, որոնցից 22-ն ազգությամբ հայ են, 1-ը՝ ռուս: 

 Վահե Սարգսյան

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica