close
Եղանակը Երևանում
24 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
24 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Քողարկիչ ցանցեր բանակի համար․ Երևանում թիկունքը փորձում է թեթևացնել բանակի կարիքները

Արցախ

20 Հոկտեմբերի 2020, 19:49
 ՏԵՍԱՆՅՈՒԹ․ Քողարկիչ ցանցեր բանակի համար․ Երևանում թիկունքը փորձում է թեթևացնել բանակի կարիքները

Երևանի դպրոցներից մեկում աշակերտներ, ծնողներ, ուսուցիչներ կամավորության սկզբունքով ամեն օր մնում են մինչև ուշ երեկո և քողարկիչ ցանցեր պատրաստում բանակի համար։

Նախաձեռնությունը Դավիթ Աղաջանյանինն է, որը պատերազմական օրերին Մոսկվայից տեղափոխվել է Երևան և տարբեր նախաձեռնություններով փորձում է թեթևացնել բանակի կարիքները։

«Սկզբից սկսեցի հենց իմ միջոցներով․ հրավիրեցի մարդկանց, ովքեր մասնագետ էին քողարկիչ ցանցեր պատրաստելու գործում, սովորեցի, հետո հավաքեցի խումբ, իրենց սովորեցրի։ Բացեցինք առաջին մասնաճյուղը։ Այս պահին արդեն ունենք 5 մասնաճյուղ, հիմա այստեղից գնալու ենք 6-րդը բացենք»,-Yerkir.am-ին ասաց Դավիթ Աղաջանյանը։

Ցանցեր գործող կամավորներից՝ Իրինա Մինասյանն ասաց, որ իրենք մեկը մյուսին տեղեկացրել ու հավաքվել են Ֆեյսբուք սոցիալական ցանցով։

«Այնպիսի արձագանք եղավ, որ մարդկանց ուղղակի երեկոյան ժամը 8-ին զոռով ենք տուն ուղարկում։ Մարդիկ ուզում են գալ, մասնակցել, որ օր առաջ այս պատերազմը ավարտվի ու իրենք մասնակից լինեն դրան։ Բացի դրանից, այս աշխատանքը թերապևտիկ նշանակություն էլ է ունենում, որ զբաղվում են պիտանի գործով և անընդհատ այդ նյարդայնացած վիճակում չեն լինում»,-ասաց նա։

Դավիթ Աղաջանյանը համարում է, որ այս օրերին ամեն աշխատունակ քաղաքացի օրական գոնե մի քանի ժամ պետք է զբաղվի ինչ-որ բանով, որը կօգնի առաջնագծի մեր եղբայրներին։ Նա նշում է, որ բազմաթիվ նախաձեռնություններ կան, յուրաքանչյուրին կարելի է միանալ՝ սկսած քողարկիչ ցանցեր գործելուց, վերջացրած անձրևանոցներ, պատգարակներ, քնապարկեր կարելով, որ տարբեր քաղաքացիներ նախաձեռնում են։

Աննա Բալյան

Առավել մանրամասն՝ տեսանյութում․

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica