close
Եղանակը Երևանում
24 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
24 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եվրոպական ազատ դաշինքը դատապարտում է Արցախի տարածքային ամբողջականության նկատմամբ ոտնձգությունը

Քաղաքական

1 Հոկտեմբերի 2020, 20:30
 Եվրոպական ազատ դաշինքը դատապարտում է Արցախի տարածքային ամբողջականության նկատմամբ ոտնձգությունը

Եվրոպական ազատ դաշինքը դատապարտում է Արցախի Հանրապետության տարածքային ամբողջականության նկատմամբ ոտնձգությունը

Հոկտեմբերի 1-ին Եվրոպական ազատ դաշինքը, որի անդամ է Արցախի ժողովրդավարական կուսակցությունը, հայտարարություն է ընդունել Լեռնային Ղարաբաղում տիրող իրավիճակի վերաբերյալ:

ԵԱԴ-ը դատապարտում է ՄԱԿ-ի ս.թ. մարտի 23-ին համաշխարհային զինադադարի կոչին չհետևելու և մերժելու Ադրբեջանի պահվածքը:

 

ԵԱԴ-ը կրակի անհապաղ դադարեցման, լարվածության թուլացման և Լեռնային Ղարաբաղի ընտրված ներկայացուցիչների մասնակցությամբ ԵԱՀԿ Մինսկի խմբի համանախագահության ձևաչափով բանակցություններին վերադառնալուն կոչ է անում:

ԵԱԴ-ը դատապարտում է Արցախի Հանրապետության տարածքային ամբողջականության նկատմամբ ոտնձգությունը:

ԵԱԴ-ը կոչ է անում Ադրբեջանին ճանաչել և հարգել Լեռնային Ղարաբաղի ժողովրդի ինքնորոշման իրավունքը:

ԵԱԴ-ը դատապարտում է բռնությունը և աջակցում երկխոսությունն ու բանակցությունները՝ միջազգային իրավունքի շրջանակներում:

ԵԱԴ-ը համոզմունք է հայտնում, որ Թուրքիայի հնարավոր ներգրավվածությունը հակամարտությանը չափազանց մտահոգիչ է. այլ երկրները լարվածությունը մեծացնելու փոխարեն պետք է ջանքեր գործադրեն տարածաշրջանում խաղաղության հաստատման ուղղությամբ:

Եվրոպական ազատ դաշինքը՝ իր անդամ՝ Արցախի ժողովրդավարական կուսակցության հետ համատեղ կոչ է անում դադարեցնել ռազմական գործողությունները, վերադառնալ խաղաղ բանակցություններին՝ ի պաշտպանություն Արցախի ժողովրդի ինքնորոշման իրավունքի և Արցախի Հանրապետության միջազգային ճանաչման:

ԵԱԴ-ը իր զորակցությունն է հայտնում Լեռնային Ղարաբաղի ժողովրդին և իր անդամ Արցախի ժողովրդավարական կուսակցությանը:

Ընդունվել է Եվրոպական ազատ դաշինքի ամենամյա գլխավոր վեհաժողովում՝ 31 կողմ, 0 դեմ, 1 ձեռնպահ ձայների հարաբերակցությամբ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica