close
Եղանակը Երևանում
26 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
26 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դեն Բիլզերյանի ընտանիքը «Հայաստան» հիմնադրամին 250 հազար դոլար կնվիրաբերի

Աշխարհ

1 Հոկտեմբերի 2020, 12:18
 Դեն Բիլզերյանի ընտանիքը «Հայաստան» հիմնադրամին 250 հազար դոլար կնվիրաբերի

Ամերիկահայ միլիոնատեր, համացանցի աստղ Դեն Բիլզերյանը, նրա եղբայր Ադամն ու հայրը՝ Փոլը, «Հայաստան» համահայկական հիմնադրամին 250 հազար դոլար նվիրատվություն կկատարեն։

Դեն Բիլզերյանը, համացանցում ունենալով 35 մլն հետևորդ, նրանց պարբերաբար պատմում է Հայաստանի մասին։

Բիլզերյանները 2018 թվականի ամռանն այցելել էին Արցախ, որտեղ հանդիպել էին սահմանին կանգնած զինվորների հետ։

«Ես շատ հիասթափված եմ, որ Ադրբեջանը որոշել է հարձակվել հայ ժողովրդի վրա։ Սա ահավոր է, երիտասարդ տղաները զոհվում են: Ցավոք, երկիրը պետք է պաշտպանի իրեն, և ժողովուրդը մեկնում է սահման` պատերազմելու»,- «USArmenia»-ի ուղիղ երթերում ասել է Փոլ Բիլզերյանը, որի նախնիները Ցեղասպանությունից հետո գաղթել են ԱՄՆ Արևմտյան Հայաստանի Խարբերդ նահանգից։

Փոլ Բիլզերյանը հույս հայտնեց, որ սահմանին կանգնած բոլոր զինվորները կհաղթահարեն ամեն ինչ և կպաշտպանեն իրենց տունը։

Ադամը նույնպես շատ մտահոգված է տեղի ունեցող իրադարձություններով։

«Արցախը շատ գեղեցիկ է, մենք ընտանիքով այցելել էինք 2 տարի առաջ։ Դա հիանալի ճամփորդություն էր,  և ես, իրոք, հաճույք էի ստանում։ Այժմ շատ մտահոգված եմ»,- նշել է նա։

Փոլ Բիլզերյանն ուղիղ եթերում հայտարարել է, որ ինքը, Դենը և Ադամը, «Հայաստան» համահայկական հիմնադրամին ուղարկելու են 250 հազար ԱՄՆ դոլար նվիրատվություն։ Նաև հայտնել է, որ ընկերոջ հետ պատրաստվում էր հուլիսին այցելել Հայաստան, սակայն COVID-19-ը խանգարել է, սակայն երբ կրկին հնարավոր լինի, ինքն անպայման կգա ՀՀ և իր հետ կբերի ընտանիքի անդամներին։ 

2018 թվականի օգոստոսի 27-ին Դեն և Ադամ Բիլզերյանները ստացել էին ՀՀ քաղաքացիություն։

«Հայաստան» համահայկական հիմնադրամը դրանահավաք է նախաձեռնել` «Մենք ենք, մեր սահմանները. բոլորս Արցախի համար» խորագրով։ 

ՖՈՏՈՇԱՐՔ. «Սահմանապահները»
26 Հոկտեմբերի 2020, 17:51 ՖՈՏՈՇԱՐՔ. «Սահմանապահները»
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica