close
Եղանակը Երևանում
30 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
30 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ախալքալաքի Սակրեբուլոյի նախագահը դիմել է Բիձինա Իվանիշվիլիին

Տարածաշրջան

29 Սեպտեմբերի 2020, 16:29
 Ախալքալաքի Սակրեբուլոյի նախագահը դիմել է Բիձինա Իվանիշվիլիին

Ախալքալաքի Սակրեբուլոյի նախագահ Նաիրի Իրիցյանը դիմել է Բիձինա Իվանիշվիլիին Վրաստանի խորհրդարանի՝ ազգությամբ ադրբեջանցի պատգամավորների հայտարարությունների վերաբերյալ: Նա կոչ է անում դատապարտել և համապատասխան գնահատական տալ պատգամավորների ռազմատենչ հայտարարություններին. գրում է Jnews.ge-ն:

Արդեն երրորդ օրն է՝ Ղարաբաղում կրակոցներ են, կան զոհեր։ Ռազմական գործողություններն արցախա-ադրբեջանական սահմանին շարունակվում են:

Սեպտեմբերի 28-ին Վրաստանի խորհրդարանի՝ ազգությամբ ադրբեջանցի պատգամավորները ֆեյսբուքյան էջերում հանդես են եկել հայտարարություններով, որոնցում իրենց լիակատար աջակցություն են հայտնում Ադրբեջանին:

JNEWS-ն Ախալքալաքի Սակրեբուլոյի նախագահից հետաքրքրվեց, թե ինչպիսի՞ն է իրենց արձագանքը:

Ախալքալաքի Սակրեբուլոյի նախագահ, «Վրացական երազանք» կուսակցության Ախալքալաքի կուսակցական ղեկավար Նաիրի Իրիցյանն ասաց, որ ինքն արդեն նամակով դիմել է իշխող կուսակցության ղեկավար Բիձինա Իվանիշվիլիին:

«Արցախա-ադրբեջանական շփման գծի երկյանքով ընթացող պատերազմական գործողությունների վերսկսման պայմաններում, երբ, բացի ռազմական նշանակության ենթակառուցվածքներից, թիրախավորված է նաև խաղաղ բնակչությունը, անթույլատրելի և դատապարտելի են Վրաստանի խորհրդարանի՝ ազգությամբ ադրբեջանցի երկու գործող պատգամավորներ՝ «Միացյալ ազգային շարժում»-ից Ազեր Սուլեյմանովի և «Վրացական երազանք»-ից Ռուսլան Գաջիևի ռազմամոլական հայտարարությունները:

Վրաստանը, լինելով բազմազգ երկիր, միշտ վարել է ճիշտ և կշռադատված քաղաքականություն՝ հանդուրժողականության և իրավահավասարության տեսակետից: Մենք պիտի առավելագույնս պաշտպանենք կոռեկտության չափն ու հանդուրժողականության սկզբունքը: Երրորդ երկրները պետք է նպաստեն տարածաշրջանում կայունությանը»,- իր նամակում գրել է Նաիրի Իրիցյանը:

Նա Վրաստանի իշխող կուսակցության ղեկավարին խնդրում է միջամտել և դատապարտել «Վրացական երազանքի» պատգամավորի ռազմատենչ հայտարարությունը, համապատասխան քայլեր ձեռնարկել:

Հիշեցնենք, որ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե՛ ռազմական օբյեկտներ, թե՛ քաղաքացիական ենթակառուցվածքներ, այդ թվում՝ Ստեփանակերտում։ Արցախի զինված ուժերում 84 զոհ կա, մարտերը շարունակվում են շփման գծի ողջ երկայնքով:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica