close
Եղանակը Երևանում
29 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
29 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ. Ակնկալում ենք հստակ գնահատական և ոչ երկակի ստանդարտներ. ՀՅԴ երիտասարդները նամակ հանձնեցին ՄԱԿ-ի ներկայացուցչությանը

Քաղաքական

29 Սեպտեմբերի 2020, 16:27
 ՏԵՍԱՆՅՈՒԹ. Ակնկալում ենք հստակ գնահատական և ոչ երկակի ստանդարտներ. ՀՅԴ երիտասարդները նամակ հանձնեցին ՄԱԿ-ի ներկայացուցչությանը

ՀՅԴ Հայաստանի երիտասարդական միությունն այսօր Արամ Մանուկյանի արձանի մոտից քայլերթով շարժվեց դեպի ՀՀ-ում ՄԱԿ-ի գրասենյակ, որտեղ նամակ փոխանցեցին՝ պահանջելով միջազգային կառույցներից՝ այլևս հավասարության նշան չդնել Արցախի և Ադրբեջանի միջև, գնահատական տալ Ադրբեջանի ռազմատենչ քաղաքականությանը և կոնֆլիկտում Թուրքիայի ներգրավվածությանը:

Երիտասարդները քայլերթով շարժվեցին ՄԱԿ գրասենյակ՝ հայրենասիրական երգեր երգելով և «Ադրբեջան ագրեսոր» վանկարկումներով:

«Պետք է հստակ արձանագրել, որ Հայաստանի և հայերի անվտանգությունը հայկական բանակն ապահովում է: Միջազգային հանրությունից մենք միայն ակնկալում ենք հստակ գնահատական և ոչ երկակի ստանդարտներ: Ագրեսորը պետք է հստակ մատնանշվի՝ դրանից բխող բոլոր հետևանքներով: Միջազգային կազմակերպությունները պետք է ստանձնեն իրենց պարտավորությունները և հստակ գնահատական տան: Ակնկալում ենք, որ նրանք ականջալուր կլինեն, չեն մոլորեցվի և կկարողանան հստակ գնահատականներ տալ ու սանձել ագրեսորին: Այսօր ՄԱԿ-ի Անվտանգության խորհուրդը հատուկ նիստ ունի, և ակնկալում ենք, որ եթե բանաձև ընդունվի, այն պետք է լինի անկողմնակալ, անաչառ, հստակ պետք է մատնանշվի, որ Ադրբեջանն է նպաստում տարածաշրջանում լարվածության աճին, պետք է դատապարտվի Թուրքիայի ներգրավվածությունը, որն իրականում աննախադեպ է», - Yerkir.am-ի թղթակցին ասաց ՀՅԴ ՀԵՄ անդամ Քրիստինե Վարդանյանը:

Նա ընդգծեց, որ նույնաբովանդակ նամակ նաև կփոխանցվի ԵԱՀԿ ՄԽ համանախագահ երկրների դեսպանություններին:

«Ուզում ենք հստակ լինի, որ այս դեպքերի վերաբերյալ կողմնակալ, միակողմանի, դիրքորոշում ունեցող երկրները մեր ձայնը լսելու են, ամեն կերպ փորձելու ենք Արցախի ժողովրդի կենսական իրավունքների մասին բարձրաձայնել և տեղ հասցնել նրանց ձայնը»,- ասաց Վարդանյանը:

Նամակը ՄԱԿ-ի գրասենյակին փոխանցելուց հետո ՀՅԴ ՀԵՄ անդամ Սևակ Նազարյանը հայտարարեց, որ Ադրբեջանի և Թուրքիայի հետ հավասարապես պատասխանատվությունը կկիսեն այն երկրները, որոնք կփորձեն արդարացնել նրանց ռազմական գործողությունները Արցախում:

Մանրամասները՝ տեսանյութում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica