close
Եղանակը Երևանում
20 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
20 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիայում Ուրֆայի եկեղեցիները եւ այլ հուշարձաններ շարունակում են ավիրվել գանձագողերի կողմից

Մշակույթ

26 Սեպտեմբերի 2020, 15:13
 Թուրքիայում Ուրֆայի եկեղեցիները եւ այլ հուշարձաններ շարունակում են ավիրվել գանձագողերի կողմից

Ուրֆայի (հին, պատմական անվանումը՝ Եդեսիա, ներկայիս թուրք․, պաշտոնական անվանումը՝ Շանլըուրֆա) Խալֆաթի գավառի պատմական եկեղեցին ենթարկվում է գանձ որոնողների ավիրումներին։ Այդ մասին, ըստ Akunq.net-ի, հաղորդում է Urfanatik.com կայքէջը։

Հրապարակման հեղինակ Էմինե Ալբայրաքի հաղորդմամբ՝ թեև Ուրֆան իր մշակութային հուշարձանների շնորհիվ առաջին հորիզոնականում է գտնվում Թուրքիայում զբոսաշրջիկներին գրավող նահանգների շարքում, սակայն այստեղ որոշ պատմական կառույցներ հարկ եղածի չափով չեն պահպանվում։

Դրանցից մեկն էլ Խալֆաթիի պատմական (ամենայն հավանականությամբ՝ հայկական) եկեղեցին է, որը գտնվում է Գյուրքույու (Նոհրութ) թաղամասում։ Թեև եկեղեցին վերանորոգման և պահպանման կարիք ունի, սակայն շարունակում է ենթարկվել գանձագողերի ավիրումներին։ Եկեղեցում ոչ միայն վերականգման ուղղությամբ մինչ օրս որևէ աշխատանք չի կատարվել, այլ անգամ պատերի քարերը տեղահան են արվել, իսկ պատերը՝ քանդվել։

Հիշեցնենք, որ Խալֆաթին ժամանակին գյուղ էր Արևմտյան Հայաստանում, մասնավորապես՝ Կիլիկիա նահանգի Ուրֆա գավառում, որի հայ բնակչությունը բռնի աքսորվել է Հայոց ցեղասպանության ժամանակ։ Հայ բնակիչների մեծ մասը զոհվել է տեղահանության ճանապարհին։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica