close
Եղանակը Երևանում
23 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
23 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Զարիֆը գնահատել է «կանաչ միջանցքների» մասին Պուտինի գաղափարը

Քաղաքական

25 Սեպտեմբերի 2020, 00:03
 Զարիֆը գնահատել է «կանաչ միջանցքների» մասին Պուտինի գաղափարը

«Կանաչ միջանցքների» վերաբերյալ ՌԴ նախագահ Վլադիմիր Պուտինի առաջարկն առանց պատժամիջոցների առեւտրի համար կօգնի ձերբազատվել առեւտրական պատերազմներից: Թեհրանը ողջունում է այն: Այդ մասին «ՌԻԱ Նովոստիին» տված հարցազրույցում հայտարարել է Իրանի ԱԳ նախարար Մոհամադ Ջավադ Զարիֆը:

Պուտինը, սեպտեմբերի 22-ին հանդես գալով ՄԱԿ-ի Գլխավոր ասամբլեայի 75-րդ նստաշրջանում, հայտարարել է, որ առանց պատերազմների ու պատժամիջոցների առեւտրի համար, այդ թվում՝ պարենամթերքի համար «կանաչ միջանցքներ» սահմանելու ՌԴ-ի առաջարկն այժմ հատկապես հրատապ է: «Մենք կարծում ենք, որ «կանաչ միջանցքների» մասին առաջարկը ներկա պայմաններում շատ կարեւոր է, որովհետեւ այժմ աշխարհում իրադրությունը վտանգավոր է ու շատ բարդ. ոչ մեծ վիրուսը կարողացավ ծնկի բերել ողջ համաշխարհային տերություններին, եւ եթե պետությունները չհամագործակցեն, ապա չեն կարողանա հաջողությամբ դուրս գալ այս աղետից»,-հայտարարել է Զարիֆը:

Նրա խոսքով՝ այժմ ԱՄՆ-ը տնտեսական պատերազմ է վարում Ռուսաստանի, Իրանի եւ ՉԺՀ-ի դեմ՝ առավելագույն հնարավոր ճնշում գործադրելով: Զարիֆը նշել է, որ ԱՄՆ-ը «վտանգավոր տնտեսական պլաններ է իրագործում նույնիսկ իր բարեկամների ու դաշնակիցների նկատմամբ, օրինակ՝ ԱՄՆ-ի կողմից դիմադրությունը «Հյուսիսային հոսք» նախագծին»: «Ուստի այդպիսի պայմաններում «կանաչ միջանցքների» մասին Պուտինի առաջարկությունը շատ լավ է եւ ըստ Էության միանշանակ ձերբազատում է առեւտրական պատերազմներից, եւ նույնիսկ այն պատերազմներից, որոնք կապված են դեղամիջոցների ու պարենամթերքի հետ, այն պայմաններում, երբ կորոնավիրուսը լուրջ սպառնալիք է աշխարհի համար»,-ընդգծել է նախարարը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica