close
Եղանակը Երևանում
28 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
28 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Փոքր ազգերը պարտադրված են զարգանալ՝ ազգայինն արդիականացնելով, այլ ոչ թե ոչնչացնելով. Արտակ Սարգսյան

Քաղաքական

24 Սեպտեմբերի 2020, 15:45
 Փոքր ազգերը պարտադրված են զարգանալ՝ ազգայինն արդիականացնելով, այլ ոչ թե ոչնչացնելով. Արտակ Սարգսյան

ՀՅԴ հանրային կապերի գրասենյակի պատասխանատու Արտակ Սարգսյանը գրում է.

«2018 թ. իշխանափոխությունից հետո Հայաստանում բոլոր քաղաքական ուժերն ու ողջ հանրությունը մերժել են նախկին արատավոր երևույթները և բացառել վերադարձը դրանց, սակայն քաղաքական բանավեճը տեղափոխվել է մեկ այլ կարևոր հարթություն՝ իսկ ո՞րն է Հայաստանի արդիականացման ուղին: Այս հարցում պայքարն ազգային ուժերի և գլոբալիստների միջև է. վերջիններս ունեն նաև ընդգծված արևմտամետ կողմնորոշում: Եթե ազգային ուժերի գերակշիռ մասը Հայաստանի արտաքին-քաղաքական հարցերում ելնում է բացառապես Հայաստանի շահերից թեալադրված՝ հավասարակշռված, բազմավեկտոր արտաքին քաղաքականության անհրաժեշտությունից, ապա գլոբալիստները Հայաստանի զարգացման հարցում ունեն ընդգծված հակառուսական և արևմտամետ արժեհամակարգային-քաղաքական կողմնորոշում: Իշխանությունը լինելով վերջինիս կրողը՝ Հայաստանը կանգնեցրել է փակուղու առջև. քանզի դժվար է համոզել Ռուսաստանին, որ չնայած ամբողջովին արևմտյան կողմնորոշում ունենք, բայց Ռուսաստանը մեր ռազմավարական գործընկերն է: ՀԱՊԿ-ին և ԵԱՏՄ-ին անդամակցելով՝ Հայաստանը տրամագծորեն հակառակն է փաստել. վերջիններիս հետ մեր համագործակցությունը ռազմավարական է, իսկ Արևմուտքի հետ մեր հարաբերությունները գործընկերային, որն ուղված չէ որևէ մեկ դեմ: Ստեղծված իրավիճակը թույլ չի տալիս վարել արդյունավետ բազմավեկտոր արտաքին քաղաքականություն, քանզի ստեղծել է անվստահություն ռազմավարական գործընկերների շրջանում, իսկ գործող իշխանությունները չեն կարող լուծել այս խնդիրը, քանզի փորձում են նստել մեկ այլ աթոռի, բայց իրենց կողքին պահել նախկին բազկաթոռը:
 
Սրան զուգահեռ, Հայաստանի իշխանությունները, իրենց «առաջադիմական» ծրագրերը խցկում են Հայաստանի ներազգային դաշտ, մասնավորապես կրթության, գիտության, մշակույթի, հոգևոր և ընտանեկան ոլորտներ, փորձելով ջարդել ազգային-ավանդական հիմնասյուները՝ «քաղաքացուն» փորձելով հակադրել «հայ քաղաքացու» հետ. երբ թուլացնում ես քաղաքացու ազգային ընկելումների բաղադրիչը, տեղ է բացվում այլ արժեհամակարգերի ներմուծման համար. սա երկարաժամկետ կտրվածքով ստեղծում է ենթակա հասարակություն, նման «սովետական քաղաքացուն»: Բանավեճը մեկ նախադասությամբ կարելի է ձևակերպել այսպես՝ արդի համաշխարհայնացման դարաշրջանում Հայաստանն ու հայությունը պետք է զարգանան ազգայի՞նն արդիականացնելու, թե՞ ազգայինը հետին պլան մղելու միջոցով: Այս բանավեճը գործող իշխանությունը փորձում է ձևակերպել, որպես հետադիմականների ու առաջադիմականների պայքար, գործող վարչապետը վերջերս այն ձևակերպեց, որպես անցյալի և ապագայի պայքար, փորձելով առկա բանավեճը տեղավորել մինչպետական և պետական շրջափուլերի տրամաբանության մեջ: Այս մոտեցումներն ամբողջովին հակագիտական են. պատմությունը ցույց է տվել, որ այն ազգերն ու պետությունները, որոնք կառչած են իրենց ավանդական արժեքներից և արդիականացումը տանում են դրանք կատարելագործելու, այլ ոչ թե մերժելու ու ոչնչացնելու ճանապարհով, նրանք առավել կենսունակ են: Բացի այդ, Ամերիկան և Եվրոպան բազմազգ աշխարհաքաղաքական կենտրոններ են, նրանց համար գլոբալիստական արժեքների առաջ մղումը օրինաչափ է, իսկ մեր տարածաշրջանում, փոքր միատարր ազգային պետություն ունենալու և մաշող Սփյուռքի գոյության պարագայում, ազգայինի հենքի վրա արդիականացումն ուղղակի հրամայական է: Այս հանգամանքները գործող իշխանությանը մերժելու և պետականությունն ազգային ուղեգիծ վերադարձնելու կարևորագույն պատճառներից են»:
 
ՏԵՍԱՆՅՈՒԹ. ԱԺ արտահերթ նիստը
27 Հոկտեմբերի 2020, 18:30 HES_VIDEOՏԵՍԱՆՅՈՒԹ. ԱԺ արտահերթ նիստը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica