close
Եղանակը Երևանում
29 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
29 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Երիտասարդ դաշնակահարները ներկայացել են Ալեքսանդր Հարությունյանի 100-ամյակին նվիրված ելույթով

Մշակույթ

23 Սեպտեմբերի 2020, 11:57
 Երիտասարդ դաշնակահարները ներկայացել են Ալեքսանդր Հարությունյանի 100-ամյակին նվիրված ելույթով

Հայ ճանաչված կոմպոզիտոր և դաշնակահար Ալեքսանդր Հարությունյանի ծննդյան 100-րդ հոբելյանի առթիվ երկու երիտասարդ դաշնակահարներ ներկայացել են ինքնատիպ ելույթով։ Հայաստանի պետական ֆիլհարմոնիան և «Մեկնարկ» տաղանդի զարգացման նպատակային ծրագիրը (ղեկավար՝ դաշնակահար, ՀՀ վաստակավոր արտիստ Արմեն Բաբախանյան) սեպտեմբերի 23-ին՝ անվանի կոմպոզիտորի ծննդյան օրը, համացանցում զետեղել են Ալեքսանդր Հարությունյանի և Առնո Բաբաջանյանի կողմից համատեղ գրված «Հայկական ռապսոդիա» և «Տոնական» ստեղծագործությունները՝ դաշնակահարներ Արմեն Պուչինյանի և Արթուր Գրիգորյանի կատարմամբ։ 

Հատկանշական է, որ այս գործերը հեղինակել են հայ կոմպոզիտորական դպրոցի գագաթները։

Բացի այն փաստից, որ սեպտեմբերի 23-ը Ալեքսանդր Հարությունյանի ծննդյան օրն է, Հայաստանի պետական ֆիլհարմոնիայի կազմում է Առնո Բաբաջանյանի անվան համերգասրահը, ինչն առավել խորհրդանշական է դարձնում ծրագրային ընտրությունը։

«Հայկական ռապսոդիա»-ն երկու դաշնամուրների համար գրված ստեղծագործություն է, որը դասվում է դաշնամուրային խոշոր կոնցերտային ստեղծագործությունների շարքը։ Գրվել է 1950 թվականին։ Երաժշտական ստեղծագործության ոճը հիմնականում բնորոշվում է երկու կոմպոզիտորների ստեղծագործական անհատականությամբ։ «Տոնական» ստեղծագործությունը նույնպես երկու կոմպոզիտորի համատեղ արգասիքն է։

#Ֆիլհարմոնիա#Philharmonia

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica