close
Եղանակը Երևանում
23 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
23 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պահեստապետը 8 միլիոն դրամի մալուխ էր գողացել. Վանաձորի ոստիկանների բացահայտումը

Հասարակություն

18 Սեպտեմբերի 2020, 22:48
 Պահեստապետը 8 միլիոն դրամի մալուխ էր գողացել. Վանաձորի ոստիկանների բացահայտումը

Վանաձորի ոստիկանների բացահայտել են պահեստապետի կողմից 8 միլիոն դրամի մալուխի գողությունը։ Այս մասին հայտնում են ՀՀ ոստիկանության հասարակայնության հետ կապերի և լրատվության վարչությունից։

«Օգոստոսի 31-ին ոստիկանության Տարոնի բաժնում հաղորդում էր ստացվել, որ հուլիսի 20-ից օգոստոսի 27-ն ընկած ժամանակահատվածում Վանաձորի Տիգրան Մեծի փողոցի մի ընկերության տարածքից գողացել են մալուխ:

Օպերատիվ խումբը մեկնել էր դեպքի վայր։ Ոստիկաններն ուսումնասիրել էին՝ որտեղից և ինչպես էր կատարվել գողությունը, կազմել էին արձանագրություն։

Փաստի առթիվ հարուցվեց քրեական գործ։ Քրեական հետախույզները գողությունը կատարած անձին հայտնաբերելու ուղղությամբ որոնողական աշխատանք սկսեցին։ Եվ նախաքննական մարմնի աշխատակիցների հետ համատեղ միջոցառումներով շուտով տեղեկություններ ստացվեցին, որ գողությունը կատարել է ընկերության պահեստապետը՝ Վանաձորի Մոսկովյան փողոցի 26-ամյա մի բնակիչ։

Սեպտեմբերի 15-ին կասկածվողը բերման ենթարկվեց և ներկայացվեց վարույթն իրականացնող մարմնին։ Նա խոստովանել է, որ իր նյութական պատասխանատվության տակ գտնվող ընկերության պահեստարանից գողացել է տարբեր տեսակի մալուխներ՝ ընկերությանը պատճառելով առանձնապես խոշոր չափի՝ մոտ 8.000.000 դրամի վնաս:

Հանգամանքները պարզվում են։

Քրեական գործի նախաքննությունը շարունակվում է»,- նշված է հաղորդագրությունում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica