close
Եղանակը Երևանում
28 Նոյեմբերի 2020
+16°
+27°Ցերեկ
+15°Գիշեր
weather
close
Փոխարժեք
28 Նմբ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սկսած դպրոցներից, վերջացրած բուհերով՝ ակնկալված փոփոխությունները չեն իրականացվել. Դավիթ Խաժակյան

Հասարակություն

16 Սեպտեմբերի 2020, 14:56
 Սկսած դպրոցներից, վերջացրած բուհերով՝ ակնկալված փոփոխությունները չեն իրականացվել. Դավիթ Խաժակյան

Ոլորտում ակնկալված փոփոխությունները, սկսած դպրոցներից, վերջացրած բուհերով, չեն իրականացվել. ըստ Yerkir.am-ի՝ խորհրդարանի առջև ԿԳՄՍ նախարարի հրաժարականի պահանջով ցույցի ժամանակ ասաց «Լուսավոր Հայաստան» կուսակցության անդամ Դավիթ Խաժակյանը:

«Նա հեղափոխության առաջնորդներից է, կուզի հինգ անգամ ոլորտը կձախողի, կուզի բոլորին կթշնամացնի իր ոլորտի, իր նախարարության հետ, բայց, միևնույն է, հրաժարական չի տա: Սա Փաշինյանի մոտեցումն է: Ես առնվազն երկու անձ ունեմ իմ աչքի առջև, որոնք ինչքան կուզեն՝ ոլորտը կձախողեն, բայց հրաժարականի պահանջ չի լինի, քանի որ Փաշինյանն այդպես է ուզում»,- ասաց Խաժակյանը` նշելով, որ վերը նշված անձանցից մեկը քաղաքապետն է, մյուսը՝ Արայիկ Հարությունյանը:

Ըստ նրա՝  Արայիկ Հարությունյանի ասուլիսից մեկ հետևություն է արել՝ նա չի ցանկանում հանդիպել քաղաքական պահանջներ առաջադրած մարդկանց հետ:

«Այդ մարդը քաղաքական տարակարծությանը տոլերանտ չէ և պատրաստ չէ լսել իր քաղաքական մրցակիցների տեսակետները: Լավ բան են հնարել, ասում են՝ դա քաղաքական պահանջ է, այդտեղ բովանդակություն չկա»,- նշեց Խաժակյանը:

Հիշեցնենք՝ Արայիկ Հարությունյանն այսօրվա ասուլիսում կոչ էր արել իրեն չվախեցնել հրաժարականի պահանջով՝  նշելով, որ ինքը չի վախենում:

Ո՞րն է մեր ընտրությունը
27 Նոյեմբերի 2020, 19:43 Ո՞րն է մեր ընտրությունը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica