close
Եղանակը Երևանում
26 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
26 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Ծառ կտրողը չի կարող անտառ տնկել, ինչ է թե՝ ծառի հետ շփում է ունեցել․ Ալվրցյանը՝ Փաշինյանի մասին

Քաղաքական

4 Սեպտեմբերի 2020, 22:00
 ՏԵՍԱՆՅՈՒԹ․ Ծառ կտրողը չի կարող անտառ տնկել, ինչ է թե՝ ծառի հետ շփում է ունեցել․ Ալվրցյանը՝ Փաշինյանի մասին

Սրանց բերողների վրա եմ զարմանում՝ այգեպան են նշանակել մի մարդու, որը ծառ երբևէ չի տնկել, ասում են՝ մեզ համար այս-այս ծառերը տնկիր՝ Yerkir.am-ի հետ հարցազրույցում Նիկոլ Փաշինյանի իշխանության գալն այսպես բնութագրեց Արեւմտահայոց հարցերի ուսումնասիրության կենտրոնի տնօրեն, քաղաքագետ Հայկազուն Ալվրցյանը։

«Այդ մարդը այգեպան չի եղել, լավագույն դեպքում՝ անտառից փայտ գողացող է եղել, անտառ կտրող է եղել, դու ասում ես՝ անտառի հետ գործ է ունեցել։ Նրանք չեն հասկանում, որ ծառ կտրողը, անտառ գողացողը չի կարող անտառ տնկել, ինչ է թե՝ ծառի հետ շփում է ունեցել, բայց ուրիշ ձևի է նրա շփումը»,-ասաց նա։

Հայկազուն Ալվրցյանի համար անհասկանալի է՝ ինչպես է ժողովուրդը խաբվել նրանց ընտրելով, բայց վստահ է, որ դա նրանց չի փրկելու։

«Որովհետև ինչպե՞ս կարելի է ամբողջ կրթական համակարգը, պետական անվտանգության հիմնասյունը դնել հարվածի տակ, ակնհայտ կերպով թուրք հեղինակների հետ սորոսական և թուրքական դրամներով հայ-թուրքական հաշտեցման մի դավադիր ծրագիր մշակել, որը դասագրքի մեջ է մտնելու, դա ավելի վտանգավոր է, քան քաղաքական կազմակերպությունների միջև գործարքները, սա պետության հիմքերն է ականապատում։ Դու այդքանից հետո չես հասկանում։ Եթե չես հասկանում, կա՛մ անհասկացող ես, կա՛մ պատկերացում չունես քաղաքականությունից, կա՛մ իսկապես դու միացել ես հայ ժողովրդի և հայոց պետականության հիմքերը քանդողներին․ դրանց սովորաբար մենք ասում ենք դավաճաններ»,-ասաց նա։

Նա համոզված է, որ արտակարգ դրությունը Հայաստանում սկսվել է ոչ թե կորոնավիրուսի հետ, այլ 2018 թ-ի ապրիլից։

«Հենց դրանք եկան իշխանության, Հայաստանում արտակարգ դրություն ստեղծվեց։ Երբ ստեղծվում է արտակարգ դրություն, պարտադիր չէ այդ մասին հայտարարել, գործողություններով մենք զգում ենք»,-պարզաբանեց Հայկազուն Ալվրցյանը։

Հարցազրույցն ամբողջությամբ՝ տեսանյութով․

Աննա Բալյան

Արցախի ճանաչման պահն է
25 Հոկտեմբերի 2020, 15:37 Արցախի ճանաչման պահն է
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica