close
Եղանակը Երևանում
2 Հոկտեմբերի 2020
+16°
+27°Ցերեկ
+15°Գիշեր
weather
close
Փոխարժեք
2 Հոկ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արտակ Բեգլարյանը մի շարք հարցեր է քննարկել ԼՂՀ փախստականների միության ներկայացուցիչների հետ

Արցախ

12 Օգոստոսի 2020, 19:51
 Արտակ Բեգլարյանը մի շարք հարցեր է քննարկել ԼՂՀ փախստականների միության ներկայացուցիչների հետ

Արցախի Հանրապետության Մարդու իրավունքների պաշտպան Արտակ Բեգլարյանը օգոստոսի 11-ին ընդունել է «ԼՂՀ փախստականների միություն» հասարակական կազմակերպության ներկայացուցիչներ Սարասար Սարյանին և Ռուզաննա Ավագյանին: Այս մասին Yerkir.am-ին հայտնում են ԱՀ Մարդու իրավունքների պաշտպանի աշխատակազմից:

Հյուրերը Պաշտպանին են ներկայացրել իրենց կազմակերպության գործունեության հիմնական ուղղություններն ու արդյունքները, ինչպես նաև Արցախում բնակվող փախստականների որոշ հիմնախնդիրներ:

Արտակ Բեգլարյանը կարևորել է հասարակական կազմակերպության դերը և՛ Հանրապետության ներսում, և՛ միջազգային հարթակներում փախստականների իրավունքների պաշտպանության և հիմնախնդիրների բարձրաձայնման հարցում: Պաշտպանը նրանց է ներկայացրել իր աշխատակազմի կատարած աշխատանքները փախստականների իրավունքների պաշտպանության ուղղությամբ, ինչպես նաև իր մոտեցումներն առկա հիմնախնդիրների համակարգային լուծման համատեքստում: Մարդու իրավունքների պաշտպանը, բացի ներքին հիմնախնդիրներին անդրադառնալուց, նաև ընդգծել է Ադրբեջանի ցեղասպանական գործողությունների հետևանքով փախստական ու ներքին տեղահանված անձանց հանդեպ միջազգային ուշադրության անհրաժեշտությունը՝ անընդունելի համարելով միջազգային հանրության ցուցաբերած անտարբերությունն ու անպատասխանատվությունը:

Կողմերը պայմանավորվել են ակտիվացնել իրենց համագործակցությունը քննարկված մի շարք հարցերի շուրջ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica