close
Եղանակը Երևանում
23 Սեպտեմբերի 2020
+16°
+26°Ցերեկ
+15°Գիշեր
weather
close
Փոխարժեք
23 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ի տարբերություն իր քաղաքական ղեկավարի՝ մարդիկ «ոչ»-ի երթեր էին անում. Գեղամ Մանուկյանը՝ Սոս Ավետիսյանին

Քաղաքական

11 Օգոստոսի 2020, 18:34
 Ի տարբերություն իր քաղաքական ղեկավարի՝ մարդիկ «ոչ»-ի երթեր էին անում. Գեղամ Մանուկյանը՝ Սոս Ավետիսյանին

ԱԺ «Իմ քայլը» խմբակցության պատգամավոր Սոս Ավետիսյանը Հայոց պատմություն առարկայի չափորոշիչների հետ կապված իրեն ուղղված քննադատություններին ի պատասխան՝ ի թիվս այլնի, ասել էր. «Ո՞ւր էին իրենք, երբ Հայաստանի ազգային հավաքականի համազգեստի վրայից Արարատ սարն էին հանում, թե՞ դա ավելի քիչ դավաճանություն է, երբ պետական մակարդակով է արվում»:

Aravot.am-ի հետ զրույցում «Երկիր Մեդիա» հեռուստաընկերության լրատվական եւ հասարակական-քաղաքական հաղորդումների տնօրեն Գեղամ Մանուկյանը մեկնաբանելով պատգամավորի ասածը՝ նշեց. «Ես ուղղակի զարմանում եմ, որոշ մարդկանց թվում է, թե Հայաստանում հիշողություն ունեցող մարդ չկա այլեւս: Ինչ վերաբերվում է ֆուտբոլի հավաքականի զինանշանին եւ այդ ամբողջ շրջանի մթնոլորտին, դրա դեմ հանդես եկող քաղաքական հսկայական ուժ կար՝ հանձին Դաշնակցության:

Մի շարք քաղաքական ուժեր իջել էին փողոց՝ տասնյակ հազարավոր մարդկանցով «ոչ»-ի երթեր էին անում ու բողոքում՝ ի տարբերություն այսօր Սոս Ավետիսյանի հետ դահլիճում նստած շատ-շատ պատգամավորների, որոնք այդ ժամանակ ՀԱԿ անդամ էին, ի տարբերություն՝ իր քաղաքական ղեկավար Նիկոլ Փաշինյանի, որն այդ ժամանակ ՀԱԿ անդամ էր, իսկ ՀԱԿ-ը պաշտոնապես հայտարարել էր, որ փողոցային բոլոր գործողություններն իշխանությունների դեմ դադարեցնում է, որպեսզի Սերժ Սարգսյանի ֆուտբոլային դիվանագիտությունը հաջողի:

Սոս Ավետիսյանին թվում է, որ մարդիկ չեն հիշում, կամ գուցե ինքը տարիքի բերումով այդ մթնոլորտի եւ այդ օրերի մասին տեղյակ չէ»:

Ինչ վերաբերվում է պատգամավորի այն արտահայտությանը, որ իր մանդատը ժողովուրդն է տվել եւ գործուղել ԱԺ, նաեւ ինքը շատ լավ տեղյակ է, որ մեդիայի սրացումները քաղաքական պրոցեսներ են, բացի այդ՝ ինքը Դաշնակցությանը միլիոնավոր հարցեր ունի, Գեղամ Մանուկյանն այս մասին էլ ասաց. «Մի քանի առիթով Սոս Ավետիսյանի հետ զրուցել եմ տեւական երկար ժամանակ, զրույցների թեման չեմ բացի, բայց կասեմ, որ երբեւէ Սոս Ավետիսյանի կողմից հարցադրում չի եղել այս կամ այն հարցով: Այսօր էլ ուրախ կլինեմ Սոսի հարցադրումներին պատասխանել»:

Գոհար ՀԱԿՈԲՅԱՆ

Հայտնաբերվել է չպայթած ական
22 Սեպտեմբերի 2020, 20:11 Հայտնաբերվել է չպայթած ական
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica