close
Եղանակը Երևանում
30 Սեպտեմբերի 2020
+16°
+27°Ցերեկ
+15°Գիշեր
weather
close
Փոխարժեք
30 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բեյրութում պայթյունի հետևանքով զոհվածների թիվը գերազանցել է 150-ը

Աշխարհ

7 Օգոստոսի 2020, 15:45
 Բեյրութում պայթյունի հետևանքով զոհվածների թիվը գերազանցել է 150-ը

Բեյրութի նավահանգստում տեղի ունեցած պայթյունի հետեւանքով զոհվածների թվաքանակը հասել է 154-ի, հիվանդանոցներում ծանր վիճակում գտնվում 120 քաղաքացի: Այդ մասին հայտարարել է Լիբանանի առողջապահության նախարար Համեդ Հասանը:

Ավելի վաղ հաղորդվել էր 137 զոհի մասին: «Լիբանանի առողջապահության նախարար Համեդ Հասանը հայտարարել է զոհվածների վերաբերյալ վերջին տվյալների մասին, նրանց թիվը հասել է 154-ի: Վիրավորների թվաքանակը մոտավորապես 5 հազար է»,-գրում է լիբանանյան NNA գործակալությունը: Նախարարը նշել է, որ հիվանդանոցներում ծանր վիճակում է գտնվում 120 մարդ, ուստի զոհերի թիվը կարող է ավելանալ: Փրկարարա-որոնողական գործողությունը շարունակվում է Բեյրութի նավահանգստի տարածքում եւ մերձակայքում ավերված թաղամասերում: Գործողությանը մասնակցում են Ռուսաստանի արտակարգ իրավիճակների նախարարության մասնագետները եւ այլ երկրներից ժամանած փրկարարներ:

Ավերիչ պայթյունը որոտացել էր օգոստոսի 4-ին Բեյրութի ծովային նավահանգստի շրջանում գտնվող Լիբանանի ռազմածովային ուժերի բազայի մերձակայքում: Պայթուցիկ ալիքը ոչնչացրել եւ վնասել է տասնյակ տներ, ավտոմեքենաներ, մայրաքաղաքի բազմաթիվ թաղամասերում կոտրվել են ապակիները: Տեղի իշխանությունների տվյալներով՝ պայթյունի պատճառ էր դարձել նավահանգստի պահեստում պահվող 2750 տոննա ամոնիակի սելիտրան, որը 2014 թվականին բռնագրավվել էր մաքսային ծառայությունների կողմից: Երկրում սուգ է հայտարարվել: Քաղաքում երկու շաբաթով արտակարգ դրության ռեժիմ է սահմանվել, հաղորդել է ՌԻԱ Նովոստին:
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica