close
Եղանակը Երևանում
25 Սեպտեմբերի 2020
+17°
+28°Ցերեկ
+16°Գիշեր
weather
close
Փոխարժեք
25 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լույս աշխարհ են եկել ԱՆ անպտղության դեմ պայքարի պետական ծրագրով ծնված առաջին զույգ բալիկները

Հասարակություն

3 Օգոստոսի 2020, 23:46
 Լույս աշխարհ են եկել ԱՆ անպտղության դեմ պայքարի պետական ծրագրով ծնված առաջին զույգ բալիկները

Ծնվել են ՀՀ ԱՆ անպտղության դեմ պայքարի պետական ծրագրով ծնված առաջին զույգ բալիկները: Այս մասին հայտնում են «Շենգավիթ» բժշկական կենտրոնի ֆեյսբուքյան էջից։

«5 տարվա անպտության դեմ պայքարից հետո երիտասարդ ընտանիքը զույգ է ունեցել՝ աղջիկ և տղա:

Երիտասարդ զույգը դիմել էր «Շենգավիթ» ԲԿ-ի Մարդու վերարտադրողական առողջության կենտրոն, որտեղ էլ խնդիրը հայտաբերելուց հետո, գինեկոլոգ-ռեպրոդուկտոլոգ Մարգարիտա Գրիգորյանի պատասխանատվությամբ կատարվել էր արտամարմնային բեղմնավորում ՝ անպտղության դեմ պայքարի պետական ծրագրի շրջանակում:

Բաղձալի հղիության արդյունքից հետո, 27 Գրետա Հովհաննիսյանը գտնվել է «Շենգավիթ» ԲԿ-ի մանկաբարձ-գինեկոլոգ Շուշանիկ Բախշյանի անմիջական հսկողության տակ, քանի որ հղիության ողջ ընթացքը բարդ է ընթացել: 31 շաբաթական հղիության ժամկետում, հունիսի 29-ին, բժշկական ցուցումով կատարվել է կեսարյան հատում: Ծնվել են զույգ բալիկներ՝ աղջիկ 1470 գրամ քաշով և տղա ՝ 1330 գրամ քաշով:

Անհաս նորածինները գտնվել են «Շենգավիթ» բժշկական կենտրոնի նորածինների ինտենսիվ թերապիայի բաժանմունքում, նեոնատոլոգ Արթուր Ջանազյանի հսկողության և խնամքի ներքո: Ստացել են համապատասխան բուժում, որի արդյունքում այսօր արդեն դուրս են գրվել հիվանդանոցից՝ առողջ, բավարար վիճակում:

Ծնողները շնորհակալ են «Շենգավիթ» ԲԿ –ին, ՀՀ առողջապահության նախարարությանը պետական ծրագրից օգտվելու հնարավորությունից, բժիշկներ՝ Մարդու վերարտադրողական առողջության կենտրոնի գինեկոլոգ-ռեպրոդուկոլոգ Մարգարիտա Գրիգորյանին, մանկաբարձ-գինեկոլոգ Շուշանիկ Բախշյանին, նեոնատոլոգ Արթուր Ջանազյանին և «Շենգավիթ» ԲԿ-ի ողջ բուժանձնակազմին հոգատար, ջերմ ու պրոֆեսիոնալ մոտեցման համար:

Առողջություն ենք մաղթում փոքրիկների, իսկ 5 տարի անց երջանկության բերկրանքը ճաշակած ծնողներին խաղաղ և երջանիկ օրեր:

Երջանկությունը բանաձև չունի, պարզապես երջանիկ լինել է հարկավոր:

Հ․Գ․ Նկարները հրապարակված են ծնողների թույլատվությամբ»։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica