close
Եղանակը Երևանում
21 Սեպտեմբերի 2020
+17°
+27°Ցերեկ
+15°Գիշեր
weather
close
Փոխարժեք
21 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մահացել է Խաղաղության նոբելյան մրցանակակիր, Հյուսիսային Իռլանդիայի «Մարտին Լյութեր Քինգ» Ջոն Հյումը

Հասարակություն

3 Օգոստոսի 2020, 17:51
 Մահացել է Խաղաղության նոբելյան մրցանակակիր, Հյուսիսային Իռլանդիայի «Մարտին Լյութեր Քինգ» Ջոն Հյումը

Հյուսիսային Իռլանդիայի սոցիալ-դեմոկրատական և լեյբորիստական կուսակցության նախկին առաջնորդ, Խաղաղության նոբելյան մրցանակակիր Ջոն Հյումը մահացել է կյանքի 84-րդ տարում` ոչ տևական հիվանդությունից հետո: Այս մասին տեղեկացնում է «ՌԻԱ Նովոստի» գործակալությունը` հղում տալով քաղաքական գործչի ընտանիքին:

«Խոր վշտով տեղեկացնում ենք, որ Ջոնը խաղաղ կերպով մահացավ վաղ առավոտյան, ոչ տևական հիվանդությունից հետո»,-ասված է հայտարարությունում:

Հյումը, որին ԱՄՆ նախկին նախագահ Բիլ Քլինթոնն անվանել էր Հյուսիսային Իռլանդիայի Մարտին Լյութեր Քինգ, իր կյանքը նվիրել է հյուսիսիռլանդական կոնֆլիկտի լուծմանը` կոչ անելով խաղաղ համագործակցել բողոքականներին և կաթոլիկներին:


1979-2000 թվականներին գլխավորել է Հյուսիսային Իռլանդիայի սոցիալ-դեմոկրատական և լեյբորիստական կուսակցությունը: 1996 թվականին Մեծ Բրիտանիայի և Իռլանդիայի կառավարությունները հակամարտությունը լուծելու շուրջ բանակցություններ էին սկսել, իսկ 1997 թվականին Հյումի ջանքերով բանակցություններին է միացել «Շին Ֆեյն» կուսակցությունը: Բանակցությունների արդյունքում կնքվել է Բելֆաստի համաձայնագիրը, ըստ որի Հյուսիսային Իռլանդիայում իշխանությունը հանձնվել է տեղական ինքնակառավարման մարմիններին: 1998 թվականին Հյումն արժանացել է Խաղաղության նոբելյան մրցանակի` որպես «խաղաղության համաձայնագրի ճարտարապետներից մեկը»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica