close
Եղանակը Երևանում
8 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
8 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ 150-ից ավելի ոստիկան գիշերը մտել է Եղեգնուտ՝ նախկին գյուղապետին սատարելու․ արմավիրցիները կրկին բողոքում են

Քաղաքական

15 Հուլիսի 2020, 15:06
 ՏԵՍԱՆՅՈՒԹ․ 150-ից ավելի ոստիկան գիշերը մտել է Եղեգնուտ՝ նախկին գյուղապետին սատարելու․ արմավիրցիները կրկին բողոքում են

Այս գիշեր ժամը երեքից 150-ից ավելի ոստիկաններ մտել են Արմավիրի մարզի Եղեգնուտ համայնք, փակել գլխավոր ճանապարհը, շրջապատել համայնքապետարանը՝ ըստ Yerkir.am-ի ասացին եղեգնուտցիները, որոնք թույլ չեն տվել ոստիկաններին մտնել համայնքապետարան։

«Ոստիկաններն ուզում էին մտնել համայնքապետարանի շենք և իրենց հետ պետք է հանձնաժողով մտներ, որպեսզի նախկին գյուղապետին կրկին նշանակեին այդ պաշտոնում» ,-ասաց նրանցից մեկը։

Ժամը հինգին, երբ մարդիկ սկսել են արթնանալ, տեսել են դա ու հավաքվել համայնքապետարանի մոտ։ Գյուղում լարված էր իրավիճակը մինչև ժամը 12։00-ը, երբ հայտնի դարձավ, որ դատարանը վարույթ է ընդունել  ավագանու անդամների հայցադիմումը։

Համայնքի ավագանու 4 անդամ հայցադիմում է ներկայացրել Արմավիրի մարզպետ Համբարձում Մաթևոսյանի դեմ: Նրանք պահանջում են անվավեր ճանաչել մարզպետի որոշումը, որով անվավեր է ճանաչել նախկին մարզպետ Գագիկ Միրիջանյանի որոշումը՝ Եղեգնուտում ժամանակավոր պաշտոնակատար նշանակելու մասին:

«Իրավաբանը բացատրեց, որ այլևս նախկին գյուղապետի վերադարձ այդ պաշտոնում չի կարող լինել, մարզպետը պետք է նշանակի ժամանակավոր պաշտոնակատար ու նշանակվեն ընտրություններ»,- ասացին եղեգնուտցիները։

Հիշեցնենք, որ Եղեգնուտ համայնքի ղեկավար Ռազմիկ Մարգարյանը 2018թ.-ին լիազորությունները վաղաժամկետ դադարեցնելու դիմում էր գրել, ինչը չէր ընդունվել համայնքի ավագանու կողմից: Սակայն Արմավիրի նախկին մարզպետ Գագիկ Միրիջանյանը, նշելով, որ ավագանին համայնքապետի լիազորությունները դադարեցնելու կամ չդադարեցնելու լիազորություն չունի, Եղեգնուտում նշանակել էր համայնքապետի ժամանակավոր պաշտոնակատար: Վարչական դատարանը Ռազմիկ Մարգարյանին վերականգնել է համայնքի ղեկավարի պաշտոնում: Դրա հիման վրա Արմավիրի մարզպետ Համբարձում Մաթևոսյանը անվավեր է ճանաչել Եղեգնուտ համայնքի ղեկավարի ժամանակավոր պաշտոնակատար նշանակելու մասին նախորդ մարզպետ Գագիկ Միրիջանյանի՝ 2018թ.-ի որոշումը: Եղեգնուտցիները չեն ընդունում և պարբերաբար բողոքի ակցիաներ են իրականացնում նախկին գյուղապետի վերադարձի դեմ։

Մանրամասն՝ տեսանյութում․

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica