close
Եղանակը Երևանում
8 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
8 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՄԱԿ-ի գլխավոր քարտուղարը խոսել է համաճարակի զարգացման երկու տարբերակների մասին

Աշխարհ

7 Հուլիսի 2020, 13:21
 ՄԱԿ-ի գլխավոր քարտուղարը խոսել է համաճարակի զարգացման երկու տարբերակների մասին

ՄԱԿ-ի գլխավոր քարտուղար Անտոնիո Գուտիերեշը շվեդական Aftonbladet պարբերականի հետ զրույցում խոսել է երկու սցենարների մասին, որոնք աշխարհին սպասում են կորոնավիրուսային վարակի պանդեմիկայից հետո:

Առաջին ՝ «լավատեսականը» ենթադրում է, որ երկրները կհաղթահարեն ստեղծված իրավիճակը: Հյուսիսային պետությունները մշակում են վերականգնման հաջող պլան, իսկ զարգացողները օգնություն կստանան: Գուտերեշը նաև հույս է հայտնել, որ կորոնավիրուսային պատվաստանյութը կհայտնվի ինը ամսվա ընթացքում, և այն հասանելի կլինի բոլորին: Նրա կարծիքով, եթե իրադարձությունները զարգանան այս ուղղությամբ, և տնտեսությունը կվերականգնվի, ապա աշխարհը երկու-երեք տարի հետո կսկսի շարժվել նորմալ իրավիճակին վերադառնալու ուղղությամբ։

Այնուամենայնիվ, ՄԱԿ-ի գլխավոր քարտուղարը խոսել է նաև «հոռետեսական» սցենարի մասին, եթե երկրները չեն համակարգում գործողությունները: Նրա կարծիքով՝ վիրուսի նոր բռնկումներ կլինեն, և զարգացող երկրներում իրավիճակը կվատթարանա: Հնարավոր է նաև, որ պատվաստանյութի վրա աշխատանքը հետաձգվի, կամ դրա համար կսկսվի բուռն մրցակցություն, և այն կուղևորվի տնտեսական հնարավորություններ ունեցող երկրներ:

«Եթե այս սցենարը իրականանա, մենք կտեսնենք, թե ինչպես են աճում տարանջատումը, պոպուլիզմը և այլատյացությունը», - ընդգծվում է հոդվածում:

Բացի այդ, ըստ Գուտերեշի, յուրաքանչյուր երկիր կապրի ինքնուրույն, և աշխարհը չի կարողանա կազմակերպել միասնական կառավարում՝ ընդհանուր խնդիրները լուծելու համար: Արդյունքում, ՄԱԿ-ի գլխավոր քարտուղարը նախազգուշացնում է, որ կարող է տեղի ունենալ գլոբալ դեպրեսիա, որը կտևի առնվազն հինգ-յոթ տարի: Հոդվածում նշվում է նաև, որ այժմ դժվար է ասել, թե որ ուղղությամբ է շարժվում աշխարհը, բայց անհրաժեշտ է անել հնարավոր ամեն ինչ և պատրաստվել վատթարագույնին: Համաճարակը պետք է ցույց տա, որ պահվածքը պետք է փոխվի, և տարանջատումն այժմ վտանգավոր է բոլորի համար:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica