close
Եղանակը Երևանում
13 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
13 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հակառուսական տրամադրությունները խիստ ձեռնտու են թուրք-ադրբեջանական տանդեմին. Ա. Աբովյան

Քաղաքական

2 Հուլիսի 2020, 19:59
 Հակառուսական տրամադրությունները խիստ ձեռնտու են թուրք-ադրբեջանական տանդեմին. Ա. Աբովյան

ԱԺ ԲՀԿ խմբակցության պատգամավոր Արման Աբովյանը գրում է.

«Ակնհայտ նկատվում է, թե ինչպես տեղեկատվական դաշտում համառորեն գեներացվում են հակառուսական տրամադրություններ։

Իհարկե, Հ1 Նավալնու հետ սյուժեն կարելի է նվազագույնը դասել որպես խայտառակ հակապետական քայլ, սակայն այդ մի դրվագով հակառուսական թրենդը հայկական հանրային դաշտում չի եզրափակվում։

Գաղտնիք չէ, որ արդեն շատ երկար ժամանակ Հայաստանում փորձեր են արվում մարդկանց մոտ գրգռել հակառուսական տրամադրություններ,ընդ որում` օգտագործվում են բավականին լայն տեղեկատվական ազդեցության մեխանիզմներ,սկսած` տարատեսակ «գունավոր» ՀԿ-ների ծրագրերից,վերջացրած` լայնածավալ գործակալական ցանցի ալիքաձեւ ակտիվությունից։

Հասկանալի է, որ հակառուսական տրամադրությունները խիստ ձեռնտու են թուրք֊ադրբեջանական տանդեմին, որը շատ լավ հասկանում է Հայաստանի խոցելիության մակարդակը,իսկ եթե սրան գումարենք արեւմուտքի հավերժ պայքարը Ռուսաստանի դեմ, ապա պատկերը դառնում է առավել քան հասկանալի։

Հայաստանի ինքնիշխանությունը բնավ չի նշանակում հայ-ռուսական հարաբերությունների մեջ լարվածության գեներացում, դա ճիշտ հակառակն է, գնալով հակառուսական տրենդի ետեւից` Հայաստանը հաստատ դրսեւորում է ինքնիշխանության նվազեցում, եւ դա անհերքելի է։

Եթե որոշ մարդիկ կարծում են, որ լարելով հակառուսական տրամադրություններ` բարձրացնում են Հայաստանի ինքնիշխանության մակարդակը, ապա այդ մարդիկ կա՛մ հիմար են, կա՛մ գործակալ, կա՛մ երկուսն էլ միաժամանակ։

Ա՜խր ո՞նց բացատրել դրանց, որ հասկանան իրավիճակի ողջ լրջությունը»։


yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica