close
Եղանակը Երևանում
10 Հուլիսի 2020
+27°
+28°Ցերեկ
+20°Գիշեր
weather
close
Փոխարժեք
10 Հլս 2020
USD1486.73
GBP1613.77
EUR1549.62
RUB16.84
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հնդկաստանը և Չինաստանը շարունակում են զորքեր կենտրոնացնել Արևելյան Լադակխում

Աշխարհ

30 Հունիսի 2020, 13:45
 Հնդկաստանը և Չինաստանը շարունակում են զորքեր կենտրոնացնել Արևելյան Լադակխում

Հնդկաստանի և Չինաստանի բանակները շարունակում են զորքեր կենտրոնացնել Լադակխի արևելքում, չնայած հունիսին ձեռք բերված պայմանավորվածություններին, որոնք վերաբերում են վերահսկման գծից զորքերի դուրսբերմանը: Այս մասին երեքշաբթի հաղորդել է The Indian Express- ը՝ վկայակոչելով հնդկական ռազմական աղբյուրներին:

«Ամենավատ դեպքի համար նախապատրաստվելով՝ Հնդկաստանը տեղակայել է երկու Т-90 տանկային գունդ, հետևակային մարտական մեքենաներ և 155 մմ տրամաչափի հաուբիցներ։ Այս գործողությունները ձեռնարկվել են ի պատասխան Գալվան գետի հովտում չինական զորքերի կենտրոնացման և ռազմական տեխնիկայի, կործանիչների մարտական վիճակի բերելուն», - մեջբերում է աղբյուրը:

Չինաստանի հետ ռազմական դիմակայության ֆոնին Հնդկաստանը ուժեղացրել է իր նավատորմի օպերատիվ տեղակայումը Հնդկական օվկիանոսում՝ չեզոքացնելու իր տարածքում գտնվող չինական ռազմանավերի և սուզանավերի հնարավոր գործողությունները։

Լարվածությունը Արևելյան Լադախում մեղմելու համար Հնդկաստանի և Չինաստանի զինված ուժերը երեքշաբթի կանցկացնեն երրորդ հանդիպումը, որի ժամանակ նախատեսվում է պայմանավորվել գոտուց զորքերը դուրս բերելու հատուկ ժամկետների վերաբերյալ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica