close
Եղանակը Երևանում
10 Հուլիսի 2020
+27°
+28°Ցերեկ
+20°Գիշեր
weather
close
Փոխարժեք
10 Հլս 2020
USD1486.73
GBP1613.77
EUR1549.62
RUB16.84
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ճապոնիան սկսել է կորոնավիրուսային պատվաստանյութերի փորձարկումները մարդկանց վրա

Աշխարհ

30 Հունիսի 2020, 13:04
 Ճապոնիան սկսել է կորոնավիրուսային պատվաստանյութերի փորձարկումները մարդկանց վրա

Ճապոնական դեղագործական AnGes Inc. ընկերությունը երեքշաբթի Օսակայի համալսարանի հիվանդանոցում սկսել է երկրի առաջին կլինիկական փորձարկումները նոր կորոնավիրուսների դեմ պատվաստանյութի վերաբերյալ: Այս մասին հայտնում են NHK հանրային հեռուստատեսությունից:

Առաջին փուլում ակնկալվում է, որ հետազոտությանը կմասնակցեն հիվանդանոցի անձնակազմի 20-30 կամավորներ: Նրանցից ոմանց համար բժիշկները մտադիր են պատվաստանյութը ներարկել բավական մեծ ծավալով`պահանջվող չափաբաժինը որոշելու համար: Արդյունավետության հաստատման և կողմնակի բարդությունների բացակայության դեպքում, մինչև աշնանը, պլանավորվում է հետազոտություններ կատարել հիվանդանոցային հիվանդների շարքում` մինչև 400 կամավորների ներգրավմամբ:

AnGes Inc. ստեղծել է ԴՆԹ պատվաստանյութ՝ հիմնվելով նուկլեինաթթուների վրա: Առնետների վրա նրա թեստերը հաջող էին եղել, և մայիսի վերջին ընկերությունը հայտարարել էր, որ կրծողները հակամարմիններ են մշակել:

Ներկայումս առնվազն 10 կորոնավիրուսային պատվաստանյութեր են փորձարկվում ամբողջ աշխարհում: Ճապոնիայի վարչապետ Սինձո Աբեն նախկինում առաջարկե․ էր նման դեղերի համար միջազգային արտոնագրային կառավարման մարմին ստեղծելու գաղափարը: Այս նախաձեռնության հիմնական նպատակն է ապահովել զարգացող երկրներին պատվաստանյութերի կայուն մատակարարմամբ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica