close
Եղանակը Երևանում
10 Հուլիսի 2020
+27°
+28°Ցերեկ
+20°Գիշեր
weather
close
Փոխարժեք
10 Հլս 2020
USD1486.73
GBP1613.77
EUR1549.62
RUB16.84
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լիբիայում Թուրքիայի գործողությունները ենթադրում են պատմական և քրեական պատասխանատվություն. Մակրոն

Աշխարհ

30 Հունիսի 2020, 11:52
 Լիբիայում Թուրքիայի գործողությունները ենթադրում են պատմական և քրեական պատասխանատվություն. Մակրոն

Որպես ՆԱՏՕ-ի անդամ երկիր՝ Թուրքիան Լիբիայի ներքաղաքական պատերազմում ունի պատմական և քրեական պատասխանատվություն. այս մասին հայտարարել է Ֆրանիսայի նախագահ Էմանուել Մակրոնը։

Ըստ BBC-ի թուրքական ծառայության՝ նման հայտարարություններով Մակրոնը հանդես է եկել Գերմանիա կատարած այցի ընթացքում՝ Անգելա Մերկելի հետ հանդիպման ժամանակ։

Մակրոնը, պատասխանելով Լիբիայում Թուրքիայի քաղաքականության վերաբերյալ հարցին, նշեց, որ Անկարան Սիրիայից ջիհադական զինյալներին տեղափոխում է Լիբիա և խախտում ՄԱԿ-ի կողմից սահմանված զենքի էմբարգոն։ «Կարծում եմ, որ որպես ՆԱՏՕ-ի անդամ երկիր, դա իրենից ենթադրում է պատմական և քրեական պատասխանատվություն», - նշել է Մակրոնը՝ հավելելով, որ Թուրքիայի կողմից լիբիական հակամարտությանը միջամտելն Ֆրանսիայի համար անընդունելի է։

Հիշեցնենք, որ 2011 թ. Մուամմար Քադաֆիի գահընկեցությունից հետո երկիրը ընկղմվել է խորը ներքաղաքական ճգնաժամի մեջ։ Երկիրն այժմ բաժանված է երկու մասին՝ Հալիֆե Հաֆթարի Լիբիայի Ազգային բանակի (աջակցում են Ֆրանսիան, Ռուսաստանը և այլք) և Ֆաեզ Սարաջի Լիբիայի ազգային համաձայնության կառավարության միջև (վայելում է Թուրքիայի աջակցությունը)։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica