close
Եղանակը Երևանում
16 Հուլիսի 2020
+18°
+29°Ցերեկ
+17°Գիշեր
weather
close
Փոխարժեք
16 Հլս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ենթադրում եմ, որ Դավիթ Անանյանի հրաժարականը կարող է պայմանավորված լինել Միքայել Մինասյանի գործով. Նորայր Նորիկյան

Քաղաքական

4 Հունիսի 2020, 23:19
 Ենթադրում եմ, որ Դավիթ Անանյանի հրաժարականը կարող է պայմանավորված լինել Միքայել Մինասյանի գործով. Նորայր Նորիկյան

Փաստաբան Նորայր Նորիկյանը գրում է.

«Ենթադրում եմ, որ Դավիթ Անանյանի հրաժարականը կարող է պայմանավորված լինել Միքայել Մինասյանի գործով, քանի որ վերջինիս առնչվող քրեական գործը քննվում է Պետական եկամուտների կոմիտեի քննչական վարչությունում, և նշված վարչության քննիչն է Միքայել Մինասյանի նկատմամբ կալանավորումը որպես խափանման միջոց ընտրելու վերաբերյալ միջնորդություն ներկայացրել դատարան։

Սա ընդամենը վարկած է, բայց ես կարծում եմ, ՀՀ կառավարությունը պետք է հանրությանը ներկայացնի, թե ինչու՞ է ՊԵԿ նախագահը ներկայացրել հրաժարականի դիմում այն դեպքում, երբ տառացիորեն մեկ ամիս առաջ ՀՀ վարչապետ Ն․ Փաշինյանը Ազգային Ժողովում 2019թ․ բյուջեի կատարողականը ներկայացնելու ժամանակ տառացիորեն հայտարարեց, որ 2018-2019 թթ. հաջողվել է պետական բյուջեի հարկային եկամուտների հայտարարագրման ցուցանիշն ավելացել է 505 մլրդ դրամով, որն ավելի քան 1 մլրդ դոլար է:

Պարզ ասած, եթե մարդն այսքան լավ է աշխատել, ապա ո՞րն է հրաժարականի պատճառը, իսկ եթե վատ է աշխատել՝ ասեք իմանանք։

Այլ կերպ ասած, կարծում եմ, որ հասարակությանը պետք է ասվի բարձրաստիճան պաշտոնյայի հրաժարականի իրական պատճառները։

Ես այս կերպ եմ հասկանում հանրության առաջ հաշվետու լինելը»:

Ավելի վաղ Yerkir.am-ը տեղեկացրել էր, որ Պետական եկամուտների կոմիտեի նախագահ Դավիթ Անանյանը հրաժարական է տվել: «Մամուլում շրջանառվող լուրերը փարատելու նպատակով, ցանկանում եմ տեղեկացնել, որ այսօր ՀՀ վարչապետին եմ ներկայացրել աշխատանքից ազատման դիմում։ Շնորհակալություն եմ հայտնում բոլորին արդյունավետ և արգասաբեր համագործակցության, ինչպես նաև ՀՀ Վարչապետ Նիկոլ Փաշինյանին՝ ավելի քան երկու տարի այս պատասխանատու պաշտոնն ինձ վստահելու համար»,- ֆեյսբուքյան իր էջում գրել է Դ. Անանյանը:

ՈՒՂԻՂ. ԱԺ արտահերթ նիստը
16 Հուլիսի 2020, 13:29 HES_VIDEOՈՒՂԻՂ. ԱԺ արտահերթ նիստը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica