close
Եղանակը Երևանում
2 Հուլիսի 2020
+26°
+28°Ցերեկ
+16°Գիշեր
weather
close
Փոխարժեք
2 Հլս 2020
USD1482.52
GBP1598.08
EUR1540.76
RUB16.79
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մահացել է գնդապետ Վազգեն Մարգարյանը

Հասարակություն

3 Հունիսի 2020, 17:06
 Մահացել է գնդապետ Վազգեն Մարգարյանը

«Հարգելի Բարեկամներ, խորը ցավով տեղեկացնում ենք, որ կյանքից անժամանակ հեռացել է ՀՀ ՊՆ Պաշտպանական ազգային հետազոտական համալսարանի պետի առաջին տեղակալ, հոգեբանական գիտությունների դոկտոր, գնդապետ Վազգեն Հենրիկի Մարգարյանը:

Մեծ է գնդապետ Մարգարյանի ավանդը Զինված ուժերում, Նա իր հայրենանվեր ծառայությամբ երկար տարիներ նպաստել է ԶՈՒ-ի ինտելեկտուալ զարգացմանը: ՊԱՀՀ-ում Նրա երկարամյա գիտական, հետազոտական և ղեկավար գործունեությունը, Նրա անձնուրաց աշխատանքն ու ծառայությունը մշտապես եղել են օրինակելի:

Բացի անբասիր ծառայությամբ զինվորական լինելուց, գնդապետ Մարգարյանը ԶՈՒ-ի պատվելի գիտնական էր, մտավորական, ռազմական հոգեբանության բնագավառի եզակի մասնագետ, որը կրթել է բազմաթիվ սերունդների:

Նրա կորուստը մեծ ցավ է ՊԱՀՀ-ի ամբողջ անձնակազմի համար: Կորցրել ենք սիրելի Ընկերոջ և Գործընկերոջ, հայ մարդու, նվիրյալ հայ սպայի, օրինակելի քաղաքացու: Նրա հիշատակը միշտ վառ կմնա բոլորիս սրտերում:

ՊԱՀՀ-ի ղեկավարությունն ու անձնակազմը խորապես վշտակցում են գնդապետ Մարգարյանի հարազատներին և մտերիմներին: Թող լույսի մեջ պարուրվի Նրա հոգին»:

 ՀՀ ՊՆ Պաշտպանական ազգային հետազոտական համալսարան

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica