close
Եղանակը Երևանում
3 Հուլիսի 2020
+25°
+30°Ցերեկ
+17°Գիշեր
weather
close
Փոխարժեք
3 Հլս 2020
USD1483.84
GBP1602.38
EUR1543.30
RUB16.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀԱՊԿ ԽՎ խորհուրդը հունիսի 15-ին նիստ կանցկացնի տեսակոնֆերանսի ձևաչափով

Քաղաքական

3 Հունիսի 2020, 13:20
 ՀԱՊԿ ԽՎ խորհուրդը հունիսի 15-ին նիստ կանցկացնի տեսակոնֆերանսի ձևաչափով

Հավաքական անվտանգության պայմանագրի կազմակերպության Խորհրդարանական վեհաժողովի (ՀԱՊԿ ԽՎ) խորհրդի նիստը կկայանա հունիսի 15-ին՝ տեսակոնֆերանսի ձևաչափով. այս մասին տեղեկանում ենք ՀԱՊԿ ԽՎ-ից պաշտոնական կայքից։

Ըստ կայքի տվյալների՝ նախատեսվում է քննարկել անվտանգության ապահովման հարցերը կորոնավիրուսի համավարակի իրավիճակում։

«Նիստի ընթացքում կքննարկվեն միջազգային, կոլեկտիվ եւ ազգային անվտանգության ապահովման արդի հարցերը կորոնավիրուսի համավարակի իրավիճակում»,- ասվում է հաղորդագրության մեջ:

Հստակեցվում է՝ ՀԱՊԿ ԽՎ նախագահ, Պետդումայի խոսնակ Վյաչեսլավ Վոլոդինն իր խոսքը կնվիրի «Ռուսաստանի Դաշնության առաջնահերթ խնդիրներին 2020 թվականը Հավաքական անվտանգության պայմանագրի կազմակերպության նախագահության ընթացքում»:

Բացի այդ, ավագանու անդամները մանրամասն կքննարկեն 2016-2020 թվականներին ազմակերպության անդամ պետությունների ազգային օրենսդրության համախմբման եւ ներդաշնակեցմանն ուղղված ՀԱՊԿ ԽՎ գործունեության ծրագրի իրականացման արդյունքները եւ 2021-2025 թվականների ՀԱՊԿ ԽՎ գործունեության ծրագրի նախագծի հարցերը:

«ՀԱՊԿ պետությունների խորհրդարանական պատվիրակությունների ղեկավարները կծանոթանան ՀԱՊԿ կոլեկտիվ անվտանգության խորհրդի նոյեմբերյան (2019) նստաշրջանի արդյունքներին, ՀԱՊԿ-ի պատասխանատվության ոլորտում տիրող իրավիճակին, հավաքական անվտանգությանն ուղղված մարտահրավերներին եւ սպառնալիքներին հակազդելու միջոցառումներին եւ ՀԱՊԿ-ի կազմում կնքված միջազգային պայմանագրերի վավերացմանը, կծանոթանան ՀԱՊԿ ԽՎ-ի գործունեության ծրագրի իրականացման արդյունքներին»,- մանրամասնվում է հաղորդագրությունում։

Հավելվում է, որ հանդիպման մասնակիցները մտադիր են առանձնահատուկ ուշադրություն դարձնել համավարակի բռնկման դեպքում անվտանգությունն ապահովման համապարփակ միջոցառումների մշակման օրենսդրական առաջարկներին:

ՀԱՊԿ ԽՎ խորհրդի նիստին կմասնակցեն ՀԱՊԿ անդամ պետությունների՝ Հայաստանի, Բելառուսի, Ղազախստանի, Ղրղզստանի, Ռուսաստանի Դաշնություն եւ Տաջիկստանի խորհրդարանական պատվիրակությունների ղեկավարները, ՀԱՊԿ ԽՎ ԽՎ-ում դիտորդները Սերբիայից, Աֆղանստանից, Ռուսաստանից եւ Բելառուսից, ՀԱՊԿ եւ ՀԱՊԿ ԽՎ-ի քարտուղարությունների ներկայացուցիչները:

Բարձունքի ուտոպիան
3 Հուլիսի 2020, 22:02 Բարձունքի ուտոպիան
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica