close
Եղանակը Երևանում
2 Հուլիսի 2020
+23°
+28°Ցերեկ
+16°Գիշեր
weather
close
Փոխարժեք
2 Հլս 2020
USD1482.52
GBP1598.08
EUR1540.76
RUB16.79
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Որեւէ որոշում չունենք հանրաքվեն չեղարկելու մասով․ Ռուստամ Բադասյան

Քաղաքական

27 Մայիսի 2020, 21:29
 Որեւէ որոշում չունենք հանրաքվեն չեղարկելու մասով․ Ռուստամ Բադասյան

Մենք որեւէ որոշում չունենք հանրաքվեն չեղարկելու մասով, ներկայում միայն օրենսդրական հնարավորությունն է դիտարկվում։ Այս մասին այսօր՝ մայիսի 27-ին, ԱԺ-ում լրագրողների հետ ճեպազրույցում ասաց արդարադատության նախարար Ռուստամ Բադասյանն՝ անդրադառնալով լրագրողի այն դիտարկմանը, որ սահմանադրական հանրաքվեն չեղարկելու վերաբերյալ կարծիքներ կան, որ հարցը ոչ թե խորհրդարանի, այլ ՍԴ-ի տիրությում պետք է լինի։

«Պետք է լինի օրենսդրական հնարավորություն, որը թույլ է տալիս հանրաքվեն չեղարկել, որի ականատեսը եղանք Covid-19-ի զարգացման գործընթացում, որ նման հիմք այնուամենայնիվ պետք է լինի եւ իմ դիրքորոշումն այն է, որ այն մարմինը, որը որոշում է կայացրել հանրաքվե նշանակելու, հենց այդ նույն մարմինը պետք է հնարավորություն ունենա չեղարկելու տվյալ որոշումը, որը տվյալ դեպքում ԱԺ-ն է»,- ասաց նախարարը։

Հարցին, թե ինքն ինչպե՞ս է պատկերացնում, խորհրդարանում ի՞նչ ճանապարհով պետք է հարցը լուծում ստանա, Բադասյանը պատասխանեց․ «Ճանապարհը՝ ԱԺ-ով Սահմանադրությամբ սահմանված ընթացակարգով՝ 213 հոդվածի փոփոխությունների 2 ընթերցմամբ ընդունումն է»։

Հարցին, թե Վենետիկի հանձնաժողով կոնկրետ ի՞նչ խորհրդատվության համար է դիմել, նախարարը պատասխանեց․ «Բոլոր հարցերն արդեն հրապարակված են, ոչ միայն հարցերի բովանդակությունն է հրապարակված, այլեւ դրանց շուրջ բազմատեսակ մեկնաբանություններով ենք հանդես եկել»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica