Կորոնավիրուսը հայտնաբերող աշխարհում առաջին գենետիկ թեստն է մշակվել
Առողջապահություն
Բրազիլիայի «Ալբերտ Էյնշտեյն» կլինիկայի գիտնականները կորոնավիրուսը հայտնաբերող աշխարհում առաջին գենետիկ թեստն են մշակել. այս մասին հայտնում է ՏԱՍՍ-ը՝ G1 պորտալին հղումով։
Նշվում է՝ այդ անալիզն արդեն պատենտավորվել է ԱՄՆ տարածքում: Նախատեսվոըմ է, որ այն հունիսից հասանելի կլինի կորոնավիրուսի վարակը ախտորոշելու համար:
Թեստի հիմքում ընկած է նոր սերնդի սեկվենացման տեխնոլոգիան, որը վերլուծում է ԴՆԹ ոչ մեծ ֆրագմենտներ հիվանդությունն ախտորոշելու համար:
Մշակողների խոսքով՝ թեստի ճշգրտությունը կազմում է 100%:
Մասնագետներն ասում են, որ դա առաջին գենետիկ թեստն է, որը կարելի է օգտագործել զանգվածային ախտորոշման համար: Դրա օգնությամբ կարելի է միաժամանակ հետազոտել 1536 նմուշներ՝ 16 անգամ ավելի շատ, քան պոլիմերազային շղթայական ռեակցիայի մեթոդով թեստավորման ժամանակ: Որպես կենսանյութ կարելի է վերցնել նմուշ թքից կամ քթըմպանից:
Հավելվում է նաև, որ թեստի արդյունքները պարզ են դառնում 3 օր անց:
