close
Եղանակը Երևանում
11 Հուլիսի 2020
+23°
+27°Ցերեկ
+18°Գիշեր
weather
close
Փոխարժեք
11 Հլս 2020
USD1486.73
GBP1613.77
EUR1549.62
RUB16.84
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ակնկալում եմ՝ ընդդիմությունը ԱԺ նիստում կբարձրացնի հավաքների արգելքը վերացնելու հարցը. թեկուզ ծեծվելու գնով. Ռ. Մելիքյան

Քաղաքական

14 Մայիսի 2020, 11:41
 Ակնկալում եմ՝ ընդդիմությունը ԱԺ նիստում կբարձրացնի հավաքների արգելքը վերացնելու հարցը. թեկուզ ծեծվելու գնով. Ռ. Մելիքյան

Կառավարության կայքում արդեն իսկ տեղադրված է արտակարգ դրությունը եւս 30 օրով երկարացնելու որոշման նախագիծը. վերահաստատում եմ մոտեցումս՝ ներկա օրենսդրական ձեւակերպումների պայմաններում ռեժիմը երկարացնելու հակաիրավականության մասին։ Այս մասին Facebook-ի իր էջում գրել է «Իրավական ուղի» ՀԿ համահիմնադիր Ռուբեն Մելիքյանը:

Նա, մասնավորապես, գրել է. «Հիշեցնեմ, որ օրեր առաջ տեսակետ էի հայտնել, որ իսկապես անհրաժեշտ սահմանափակումների մեխանիզմները կարող են ներառվել «սովորական» օրենքներում եւ ավարտել արտակարգ դրությունը։

Կառավարությունը գնում է այլ ճանապարհով, եւ վերջին օրերի իրադարձությունները վկայում են, որ նպատակը ամենեւին բարի չէ՝ երկարացնել ոչ անհրաժեշտ սահմանափակումները, հետաձգել հանրաքվեի հարցը՝ մինչեւ մի բան «մոգոնեն»։

Ոչ անհրաժեշտ, բայց քայլականների համար շատ «հաճելի» սահմանափակումներից առաջինը հավաքների հիմնարար ազատությունից բոլորիս զրկելն է՝ արդեն անհամաչափ երկար ժամանակ։ Արտակարգ դրութան ռեժիմի այդ միջոցառումը, թեեւ հակաիրավական՝ բայց կարող էր դիտվել «հանդուրժելի», եթե քաղաքական իշխանությունն առիթը չօգտագործեր ու (ա) օրակարգ չբերեր ու չընդուներ խիստ վիճելի, պատշաճ չքննարկված օրենքներ ու կոնվենցիաներ, (բ) չսկսեր խիստ վիճելի ու ակնհայտ քաղաքական երանգ ունեցող քրեական գործեր ու քրեական հետապնդումներ։

Ներկա վիճակում ակնկալում եմ, որ խորհրդարանական ընդդիմությունը այսօր գումարվելիք ԱԺ հատուկ նիստում կբարձրացնի հավաքների ազատության նկատմամբ տոտալ արգելքը վերացնելու հարցը։ Թեկուզ ծեծվելու գնով։

ՀԳ. Առհասարակ կարծում եմ՝ համաճարակով պայմանավորված արտակարգ դրության վիճակում, համաճարակի տարածումը զսպող եւ դրա հետեւանքները մեղմող օրենքներից զատ, ցանկացած այլ օրենքի ընդունում ո՛չ լեգիտիմ է, ո՛չ ժողովրդավարական, ո՛չ էլ իրավաչափ։ Հուսով եմ՝ իշխող ուժի այդպիսի «դաղալություններին» ժամանակին կտրվի համարժեք իրավական գնահատական»:

Երկրպագողներ և ատողներ
11 Հուլիսի 2020, 16:32 Երկրպագողներ և ատողներ
Մենախօսութիւններ
11 Հուլիսի 2020, 11:54 Մենախօսութիւններ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica