close
Եղանակը Երևանում
3 Հուլիսի 2020
+28°
+30°Ցերեկ
+17°Գիշեր
weather
close
Փոխարժեք
3 Հլս 2020
USD1483.84
GBP1602.38
EUR1543.30
RUB16.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Առայժմ սպեկուլյացիա է. ԱՄՀ-ն, ավստրալական ու բրիտանական հետախուզությունները հերքում են, թե տվյալներ ունեն Covid-19-ի չինական ծագման մասին

Աշխարհ

5 Մայիսի 2020, 12:56
 Առայժմ սպեկուլյացիա է. ԱՄՀ-ն, ավստրալական ու բրիտանական հետախուզությունները հերքում են, թե տվյալներ ունեն Covid-19-ի չինական ծագման մասին

Մեծ Բրիտանիան և Ավստրալիան որևէ կապ չունեն տեղեկատվության հետ, թե Չինաստանը թաքցնում է կորոնավիրուսի ստեղծման փորձերը: Այդ մասին, ըստ yerkir.am-ի, տեղեկացնում է The Guardian-ը` երկու երկրների հետախուզությունների ներկայացուցիչներին հղումով:

Ավելի վաղ The Daily Telegraph-ը, վկայակոչելով «Հինգ աչք» հետախուզական միության (ԱՄՆ, Ավստրալիա, Կանադա, Մեծ Բրիտանիա, Նոր Զելանդիա) զեկույցը, հայտնել էր, թե Չինաստանի իշխանությունները միտումնավոր թաքցրել են երկրում Covid-19 կորոնավիրուսի բռնկման մասին տվյալները և ոչնչացրել լաբորատորիաներում դրա հետ փորձերի ապացույցները:

«Իմ կարծիքով` դա հակաքարոզչություն իրականացնելու և Չինաստանի վրա ճնշում գործադրելու միջոց է»,- The Guardian-ին ասել է ավստրալական հետախուզությունում աղբյուրը` նշելով, որ տեղեկությունը դուրս է եկել ԱՄՆ հետախուզությունից և մյուս չորս երկրների հետախուզական ծառայությունները դրա հետ կապ չունեն:

 The Guardian-ի` բրիտանական կառավարական շրջանակներից զրույցակիցը պատմել է, որ երկրի հետախուզությունը տեղեկություններ չի ունեցել Չինաստանում իրականացվող գաղտնի փորձերի և դրանց ապացույցների ոչնչացման մասին:

Ի դեպ, Առողջապահության համաշխարհային կազմակերպության արտակարգ իրավիճակների ծրագրերի ղեկավար Մայքլ Ռայանը ևս The New York Post-ին ասել է, որ ԱՄՆ-ից որևէ ապացույց չի ստացել կորոնավիրուսի արհեստական ծագման մասին, և իրենք դա առայժմ համարում են սպեկուլյացիա:

«Եթե այդպիսի տվյալներ ի հայտ գան, ապա ամերիկյան կառավարությունը պետք է որոշի` հարկավո՞ր է և ե՞րբ պետք է դրանք ներկայացնի, սակայն ԱՄՀ-ին դժվար է գործել նման տեղեկատվական վակուումում»,- ասել է նա:

Ավելի վաղ ԱՄՆ պետքարտուղար Մայքլ Պոմպեոն ամերիկյան ABC News հեռուսատալիքի եթերում տեղեկացրել էր, որ ԱՄՆ-ը բավականաչափ վկայություններ ունի, որոնք ապացուցում են, որ Covid-19 կորոնավիրուսը տարածվել է աշխարհում չինական Ուհան քաղաքի լաբորատորիայից:

«Մենք կարող ենք հաստատել, որ Չինաստանի կոմունիստական կուսակցությունը արել է ամեն ինչ, որ աշխարհը չիմանա, թե ինչ է կատարվել: Դրա շատ ապացուցյներ կան, որոնցից որոշները հրապարակային հասանելի են»,- նշել էր նա:

Նախագահ Դոնալդ Թրամփն էլ հայտարարել էր, որ Չինաստանը պատասխանատվության կենթարկվի, եթե պարզվի, որ կորոնավիրուսի մասին տվյալները միտումնավոր թաքցրել է:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica