close
Եղանակը Երևանում
16 Օգոստոսի 2020
+18°
+29°Ցերեկ
+17°Գիշեր
weather
close
Փոխարժեք
16 Օգս 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Փաշինյանը շատ արագ բացահայտեց մեղավորներին. Գագիկ Համբարյան

Բլոգեր

19 Ապրիլի 2020, 13:53
 Փաշինյանը շատ արագ բացահայտեց մեղավորներին. Գագիկ Համբարյան

Քաղաքագետ Գագիկ Համբարյանը ֆեյսբուքյան իր էջում գրել է.

«Հանգիստ նստեք տեղերդ. Փաշինյանը բացահայտեց խոտան կադրերի արտահոսքի մեղավորին

Երեկվանից համացանցը բուռն մեկնաբանում է Հայաստանի վարչապետ Նիկոլ Փաշինյանի վերջին հեռուստաուղերձից հետո համացանցում հայտնված խոտան կադրերը և գուշակումներ անում, թե ո՞վ կամ ովքե՞ր են «ուտեչկայի» հեղինակները:

Զարմանալիորեն փաշինյանամերձ զանգվածը փորձում է ամեն ինչ տանել հուզական և բարոյական դաշտ ու մանկամիտ մեկնաբանություններով պաշտպանում է իրենց կուռքին՝ համոզելով մարդկանց, որ Փաշինյանն էլ բոլորիս նման մարդ է, ով հազում է, դեղ է խմում, աչքերն է ֆռռացնում և այլն… Սակայն շատերը, այդ թվում նաև բազմաթիվ փաշինյանապաշտներ, շատ լավ գիտակցում են, որ հարցը կոնկրետ վերաբերում է հեռարձակումն իրականացնողի անփույթ, ոչ պրոֆեսիոնալ, թափթփված աշխատանքին, որի արդյունքում էլ այդ արտահոսքը տեղի ունեցավ:

Այսօր առավոտյան վարչապետի մամլո խոսնակ Մանե Գրիգորյանը պարզաբանումներով հանդես եկավ և շատ մատչելի բացահայտեց, որ տեղի ունեցածի մեղավորը Հանրային հեռուստաընկերությունն է, որը նույնիսկ վարչապետին տեղյակ չէր պահել, որ նա 15 րոպե էլ եթերում է՝ թեկուզ փորձնական: Ահա և վերջ: Հանգիստ նստեք տեղերդ. Փաշինյանը շատ արագ բացահայտեց մեղավորներին:

Ի դեպ, վարչապետի երկրպագուները պետք է նաև գիտենան և հասկանան, որ շատերի հետ հարաբերություններում շատ վաղուց «կարմիր գծերն անցած» Փաշինյանի վարչակարգը շատ զուր է հույսը դնում դիմացինի բարոյականության վրա, քանի որ Փաշինյանն ինքն է բազմիցս խախտել բարոյականության այդ կանոնները և հնարավորության դեպքում իր իսկ թիմի կոպտագույն սխալները բումերանգի պես հարվածում են նրան:

Վարչապետի մամլո խոսնակն իր պարզաբանման վերջում հայտնում է, որ վարչապետի աշխատակազմը պատշաճ պարզաբանումներ է ակնկալում հեռուստաընկերությունից` տեխնիկական փորձի կադրերի արտահոսքի վերաբերյալ: Նախ լավ կլինի վարչապետն իր կողմից բացահայտված մեղավորներին պատժի, իսկ հետո էլ ուրիշներից ինչ-որ բան ակնկալի»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica