close
Եղանակը Երևանում
4 Հունիսի 2020
+15°
+28°Ցերեկ
+15°Գիշեր
weather
close
Փոխարժեք
4 Հնս 2020
USD1482.38
GBP1607.22
EUR1540.89
RUB17.05
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պուտինը թշնամի է, ոչ թե ընկեր. թուրքական մամուլին դուր չի եկել ՌԴ նախագահի հայտարարությունը

Տարածաշրջան

10 Ապրիլի 2020, 16:40
 Պուտինը թշնամի է, ոչ թե ընկեր. թուրքական մամուլին դուր չի եկել ՌԴ նախագահի հայտարարությունը

Օրեր առաջ ՌԴ նախագահ Վլադիմիր Պուտինը հայտարարել էր, որ երկիրն անշուշտ կհաղթահարի կորոնավիրուսը, այնպես, ինչպես հաղթահարել է պեչենեգների և ղփչաղների դեմ պատերազմները։

Պեչենեգները և ղփչաղները թյուրքական ծագում ունեցող քոչվոր ցեղեր էին, որոնք 9-12-րդ դարերի ընթացքում Կենտրոնական Ասիայից շարժվել էին դեպի արևմուտք։ Աստիճանաբար հզորացող հին ռուսական պետությունը՝ Կիևյան Ռուսիա, հարկադրաբար պատերազմեր էր մղում քոչվոր ցեղերի դեմ։

Ռուսաստանի նախագահի խոսքերը բարկացրել են թուրքական ԶԼՄ-ներին։ Մասնավորապես հեղինակավոր և մերձիշխանական Haberler, Yeni Akit, Ensonhaber և Internet haber կայքերը նշում են, որ նման արտահայտությամբ ՌԴ ղեկավարը վիրավորել է իրենց «թյուրք եղբայրներին և սխալ զուգահեռներ է տանում»։

«Ռուսները ոչինչ չեն մոռանում»,- գրում է Haberler-ը։ Սոցցանցերի թուրքական տիրույթում օգտատերերին նույնպես դուր չի եկել Պուտինի հայտարարությունը։ «Պուտինը ցույց տվեց, որ թշնամի է, այլ ոչ՝ ընկեր», «Նույնիսկ եթե դու մոռանաս, թշնամին միշտ կհիշի, որ դու թուրք ես», - գրում են օգտատերերը։

Թուրքական լրատվամիջոցները, ինչպես արդեն «ընդունված» է, միակողմանի են դիտում իրերը և նույն ենթատեքստի տակ չեն անդրադառնում Ադրբեջանի Միլլի մեջլիսի պատգամավորներից մեկի՝ օրեր առաջ արած հայտարարությանը, ըստ որի Ադրբեջանն ունի երկու թշնամի՝ Հայաստանն ու կորոնավիրուսը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica