close
Եղանակը Երևանում
18 Սեպտեմբերի 2020
+29°
+31°Ցերեկ
+17°Գիշեր
weather
close
Փոխարժեք
18 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Հայրենիք»-ի Խմբագրական․ Արցախը կ՛ընտրէ

Արցախ

29 Մարտի 2020, 10:17
 «Հայրենիք»-ի Խմբագրական․ Արցախը կ՛ընտրէ

Ամբողջ աշխարհը ճգնաժամի մէջ է։ Իսկ Արցախը, բնութեան գիրկին մէջ բազմած այդ դրախտը, շարունակ ճգնաժամի մէջ եղած է։ Չկայ բնութեան կողմէ պարտադրուած համաճարակը, սակայն շարունակ ներկայ է թշնամին՝ արցախցիին պսակաձեւ ժահրը՝ Ատրպէյճանը։ Դեռ քանի մը օր առաջ, ճիշդ թուականը նշելու համար, Մարտ 23-ին, նշուեցաւ աննման «պարիսպներու քաղաք» Շուշիի կոտորածին հարիւրերորդ տարելիցը։

Արցախի Հ․Յ․ Դաշնակցութեան կառոյցը գործի լծուած է այս ընտրութիւններուն, նոյնիսկ նախագահութեան պաշտօնին համար, ներկայացնելով իր սեփական թեկնածուն, յանձին Դաւիթ Իշխանեանի։

Անդամալոյծ վիճակի մէջ է աշխարհը, սակայն ըստ երեւոյթին, ո՛չ Արցախի պարագային։ Ամայացած են աշխարհի ամենէն աւելի բանուկ շրջաններն ու բեղուն քաղաքները, սակայն ո՛չ Ստեփանակերտը, Շուշին եւ այլ շրջաններ։

Այսպէս, անտեսանելի, աննկատ եւ մահազդու պսակաձեւ ժահրը ինքզիքն պարտադրած է եւ անշարժացուցած է ամէնուրեք։ Սակայն, հազուադէպ բացառութիւններէն է Արցախը, որ ցնոր տնօրինութիւն որոշած է կատարել համապետական ընտրութիւնները, յատկապէս նկատի ունենալով, որ ցայսօր ո՛չ մէկ պարագայ արձանագրուած է։

Հայաստանի հետ օրական երթեւեկը կը շարունակուի եւ նախազգուշական միջոցառումներ առնուած են․․․նաեւ ընտրութեան օրն ալ պիտի առնուին, թէ՛ ընտրողներուն, թէ՛ ընտրուողներուն եւ թէ՛ դէտերուն կողմէ։

Արցախցիին համար անհրաժեշտ է համահայկական մակարդակով մշակել եւ ընդունիլ արեան գնով պահած ու պաշտպանած իր սուրբ հողին կարգաւորման միասնական հայեցակարգը, ուր առանց որեւէ զիջումի, յստակօրէն կը նշուին հայկական կողմի հիմնական մօտեցումներն ու տեսլականը, մանաւանդ որ Հայաստանի հանրապետութիւնն է Արցախի անվտանգութեան եւ անկախութեան երաշխաւորը։ Հետեւաբար, նոյնքան առաջնահերթ է Հայաստանի եւ Արցախի միջեւ ռազմաքաղաքական համագործակցութեան պայմանագրի կնքումը, որ կարեւորագոյն խարիսխն է, առանց մոռնալու անշուշտ Արցախի մասնակցութիւնը որպէս լիիրաւ մասնակցող կողմ։

Նորընտիր նախագահն ու համապետական մեքենան թէ՛ ներքին եւ թէ՛ արտաքին ճակատներու վրայ գործ ունին կատարելիք։

Հ․ Յ․ Դաշնակցութեան համար «Զարգանալ՝ չզիջելով» սկզբունքը Արցախի հզօրացման եւ հարցի լուծման հիմնական առանցքն է: Անկասկած, Արցախի Հանրապետութեան հզօրացման, ճանաչման եւ խաղաղութեան պահպանման հիմնական պայմանն է ժողովրդավարական հանրային կարգի կառուցումը, ընկերային արդարութեան եւ օրէնքի գերակայութեան հաստատումը։ Նաեւ, պետութեան գլխաւոր խնդիրը հասարակութեան արժանապատիւ կեանքի համար պայմաններու ստեղծումն է, երկրի եւ ժողովրդի անվտանգութեան ապահովման, փտածութեան դէմ պայքարի, վերաբնակեցման համակարգուած, լայնածաւալ եւ հետեւողական իրականացման կողքին:

Հ․ Յ․ Դաշնակցութիւնը ամենադաժան ու թեժ պայմաններուն միշտ ալ կանգնած է արցախցիին կողքին, յատկապէս երբ վերջերս հետզհետէ աւելի կը նշուի մատրիտեան սկզբունքներու թղթածրարը, որ կ՚ոտնակոխէ արցախցիին իրաւունքն ու տարածքային ամբողջականութիւնը՝ տարածաշրջանի կայունութիւնն ու խաղաղութիւնը երաշխաւորող հիմնական գործօնները։

Մարտ 31-ին կատարուելիք ընտրութիւններուն, 14 թեկնածու կայ նախագահութեան պաշտօնին համար, իսկ Ազգային Ժողովի 32 աթոռներուն համար 300 անձեր դրած են իրենց թեկնածութիւնը։ Արցախը պիտի ընտրէ՛։

hairenikweekly.com

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica