close
Եղանակը Երևանում
28 Մայիսի 2020
+17°
+28°Ցերեկ
+17°Գիշեր
weather
close
Փոխարժեք
28 Մայ 2020
USD1483.91
GBP1597.53
EUR1533.66
RUB16.83
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Արցախի տեղեկատվական շտաբի հայտարարությունը՝ տեղական արտադրության հաշվին պարենային ապահովվածության մասին

Արցախ

27 Մարտի 2020, 09:59
 Արցախի տեղեկատվական շտաբի հայտարարությունը՝ տեղական արտադրության հաշվին պարենային ապահովվածության մասին

Արցախի տեղեկատվական շտաբը տեղեկանք է հրապարակել, որտեղ տեղեկացնում է 2020թ. տեղական արտադրության հաշվին նվազագույն պարենային զամբյուղում ներառված որոշ պարենամթերքների ապահովվածության մասին:

Տեղեկանքում մասնավորապես, ասվում է.

«2020 թվականի բերքի տակ կատարված ավելի քան 70 000 հա աշնանացանը, որից ցորեն՝ 32 500 հա, գարի 38 000 հա, ինչպես նաև նախատեսվող շուրջ 21 000 հա գարնանացանը (առանց բանջարեղենի և կարտոֆիլի) հիմք են տալիս համոզմունք հայտնել, որ հիմնական պարենամթերքի տեսակների մասով 2020 թվականի արդյունքներով ունենալու ենք ինքնաբավության բարձր մակարդակ, իսկ որոշ ապրանքների մասով ինքնաբավության շեմից կրկնակի և եռակի ավելի, (աղյուսակը՝ ստորև):

Հաշվի առնելով հնդկաձավարի ինքնաբավության մակարդակի ցածր շեմը, արդեն քայլեր են ձեռնարկվել լրացուցիչ 800 հա հնդկաձավարի ցանքս կատարելու մասով, որի աշխատանքները սկսված են:

Բանջարեղենի և կարտոֆիլի ինքնաբավության շեմը բարձրացնելու նպատակով գյուղատնտեսության նախարարությունը մշակում է պետական աջակցության չափը. կարտոֆիլի դեպքում՝ 150 000 ՀՀ դրամից, իսկ բանջարեղենի դեպքում՝ 200 000 ՀՀ դրամից 300 000 ՀՀ դրամի դարձնելու նախագիծ:

Անասնաբուծական ծագման մթերքների ինքնաբավության մասով կանխատեսվում է 98%-ի շրջանակներում ինքնաբավություն:
Հարկ է նշել, որ Արցախում բուծվող անասնագլխաքանակի համար կերային բազա ձևավորելու նպատակով մշակվող կերային մշակաբույսերի՝ եգիպտացորենի, կորնգանի, առվույտի և գարու կատարված և պլանավորվող ցանքատարածքներից միջին բերք ստանալու դեպքում ունենալու ենք 110 %-ի չափով ինքնաբավություն:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica