close
Եղանակը Երևանում
19 Սեպտեմբերի 2020
+18°
+30°Ցերեկ
+16°Գիշեր
weather
close
Փոխարժեք
19 Սեպ 2020
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռուստամ Բադասյանը մերժել է Էդմոն Մարուքյանի առաջարկը. դրամական միջոցները ԴԱՀԿ կալանքից չեն հանվի

Քաղաքական

26 Մարտի 2020, 17:32
 Ռուստամ Բադասյանը մերժել է Էդմոն Մարուքյանի առաջարկը. դրամական միջոցները ԴԱՀԿ կալանքից չեն հանվի

Օրեր առաջ դիմել էի ՀՀ արդարադատության նախարար Ռուստամ Բադասյանին՝ առաջարկելով, որ 2 ամիս ժամանակով կալանքից հանվեն հարկադիր կատարման ծառայության կողմից կալանքի տակ դրված մինչեւ 500,000 ՀՀ դրամ միջոցները։ Այս մասին Facebook_ի իր էջում գրել է ԱԺ «Լուսավոր Հայաստան» խմբակցության ղեկավար Էդմոն Մարուքյանը:

Նա, մասնավորապես, հավելել է. «Այդ միջոցներով արտակարգ դրության եւ համաճարակի հետեւանքով ֆինանսական վատթար դրության մեջ հայտնված քաղաքացիները կկարողանային վճարել կոմունալ ծառայությունների դիմաց ու կատարել այլ առաջնային ծախսեր։

Ինձ է փոխանցվել նախարարի պատասխանը, ըստ որի՝ նախարարը մերժել է այդ առաջարկությունը՝ իհարկե իրավացիորեն մեջբերելով գործող իրավակարգավորումները, որոնք խոչընդոտում են այդ առաջարկի իրագործմանը։

Բնականաբար, նշված կարգավորումներին մենք եւս քաջատեղյակ ենք, սակայն քաղաքական կամքի առկայության պարագայում հնարավոր կլիներ լուծում գտնել նաեւ այդ խնդրին։

Մյուս կողմից, նշվում է, որ առաջարկի ընդունումը կհանգեցնի մյուս կողմում հանդես եկող պարտատիրոջ իրավունքների խախտմանը (այս մասով շեշտենք, որ մեր առաջարկը բնականաբար վերաբերում էր միայն վարչական տուգանքներին, այլ ոչ թե մասնավոր իրավահարաբերություններին)։

Այսինքն, կառավարությունն ի շահ քաղաքացիների այս մասով չի ցանկանում գնալ զիջումների, որոնք շատ ավելի արագ կհասնեին իրենց հասցեատերերին եւ կծառայեին իրենց նպատակին, քան այն փաթեթը, որի կիրառմանը դեռ սպասում ենք։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica