close
Եղանակը Երևանում
30 Մայիսի 2020
+15°
+27°Ցերեկ
+16°Գիշեր
weather
close
Փոխարժեք
30 Մայ 2020
USD1483.91
GBP1597.53
EUR1533.66
RUB16.83
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀՅԴ «Նիկոլ Աղբալյան» ուս. միությունը միանում է կորոնավիրուսի դեմ պայքարին՝ ախտահանման և պարագաների տրամադրման միջոցով

Հասարակություն

22 Մարտի 2020, 19:38
 ՀՅԴ «Նիկոլ Աղբալյան» ուս. միությունը միանում է կորոնավիրուսի դեմ պայքարին՝ ախտահանման և պարագաների տրամադրման միջոցով

ՀՅԴ «Նիկոլ Աղբալյան» ուսանողական միության նախաձեռնած այս ակցիայի շրջանակներում ախտահանում ենք ավտոբուսներ, կանգառներ, անհատ տաքսի ծառայության մեքենաները, մարդկանց բաժանում ենք ձեռնոցներ, դիմակներ, խալաթներ՝ կորոնավիրուսի դեմ առավել արդյունավետ պաշտպանվելու համար. Yerkir.am-ի հետ զրույցում նշեց ՀՅԴ ՆԱՈւՄ-ի վարչության ներկայացուցիչ Հռիփսիմե Արշակյանը, ով ևս մի խումբ ՆԱՈւՄ-ականների հետ Երևանում մասնակցում էր նախաձեռնությանը։

ՀՀ-ում օրեր առաջ հայտարարված արտակարգ դրության պայմաններում առավել քան կարիք կա քաղաքական տարբեր հայացքների տեր, ընդդիմադիր կամ իշխանական ուժերի մեկտեղման. կանգառներն ու մեքենաներն ախտահանման դուրս եկած ՆԱՈՒՄ-ի ներկայացուցիչների կարծիքն է սա։  

«Բնականաբար՝ սա նաև ինչ-որ տեղ օժանդակություն է պետական միջոցառումներին, հակահամաճարակային այն ծրագրերին, որոնք իրականացնում է Առողջապահության նախարարությունը, արտակարգ իրադրության պայմաններում՝ պարետատունը և այլոք»,-  փաստեց Հռիփսիմե Արշակյանն՝ ավելացնելով, որ իրենք այս օրերին բարոյապես անթույլատրելի են համարում քաղաքական հողի վրա հակադրվելը և կողքի քաշվելը։

Հասարակության արձագանքից Հռիփսիմեն և ընկերները շատ գոհ են. մարդիկ ոչ միայն չափազանց դրական են ընդունում, այլև շատերի կողմից լսվում են երախտիքի խոսքեր: 

«Անգամ մարդիկ կան, որոնք հեռվից իրենք են մոտենում, խնդրում պարագաներ կամ ախտահանել իր մեքենան, գրասենյակի կամ խանութի դռան բռնակները և այլն: Այսինքն՝ մարդիկ կարիք ունեն նման ծրագրերի և աջակցության, և, կարծում ենք, պետական օղակները ևս պետք է նկատի առնեն այս ամենը», - եզրափակեց ՀՅԴ ՆԱՈՒՄ-ի վարչության ներկայացուցիչը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica