close
Եղանակը Երևանում
29 Մարտի 2020
+7°
+11°Ցերեկ
+7°Գիշեր
weather
close
Փոխարժեք
29 Մար 2020
USD1498.43
GBP1608.88
EUR1548.22
RUB16.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Շաքարային դիաբետով անձինք ինչպե՞ս վարվեն կորոնավիրուսի պայմաններում․ էնդոկրինոլոգ Լիանա Խաչատրյանի վերլուծությունը

Առողջապահություն

21 Մարտի 2020, 16:29
 Շաքարային դիաբետով անձինք ինչպե՞ս վարվեն կորոնավիրուսի պայմաններում․  էնդոկրինոլոգ Լիանա Խաչատրյանի վերլուծությունը
«Գրիգոր Նարեկացի» բժշկական կենտրոնի էնդոկրինոլոգ Լիանա Խաչատրյանը բժշկական կենտրոնի էջում անդրադարձել է շաքարային դիաբետ (ՇԴ) ունեցող անձանց մոտ Covid 19ի (կորոնավիրուս) ազդեցության առանձնահատկություններին և նշել մի շարք կանխարգելման միջոցներ․

«Վերջին շրջանում արդիական է դարձել կորոնավիրուսի թեման և հատկապես դրա բացասական ազդեցությունը ՇԴ (շաքարային դիաբետ) ունեցող անձանց մոտ։

Covid 19ի (կորոնավիրուս) ազդեցության առանձնահատկությունները ՇԴ ունեցող անձանց մոտ։ Այս թեման վերլուծեց մեր կենտրոնի էնդոկրինոլոգ Լիանա Խաչատրյանը:

‼️ ՇԴ ունեցողների մոտ կորոնավիրուսով վարակվելու ռիսկը նույնն է, ինչ որ պրակտիկորեն առողջ մարդկանց մոտ, եթե գլյուկոզայի ցուցանիշները արյան մեջ նորմային մոտ են։

‼️ Եթե HbA1C- ն (3 ամսվա գլյուկոզայի միջինացված ցուցանիշ) 9-10 է, ապա վարակվելու ռիսկը շատ ավելի մեծ է, քան 6-7-ի դեպքում։

‼️ Տիպ 1 և տիպ 2 դիաբետ ունեցողների մոտ վարակվելու ռիսկը հավասար է։

‼️ ՇԴ ունեցողների մոտ խնդիրը ոչ թե վարակվելու ավելի բարձր ռիսկն է, այլ վարակման դեպքում ավելի ծանր ընթացքը և բարդությունների առաջացումը։

‼️ Covid 19 -ով վարակման դեպքում մեծանում է կետոացիդոզի առաջացման ռիսկը։

‼️ Կետոացիդոզ պետք է կասկածել, եթե իրար հաջորդող 2 և ավելի չափումների ժամանակ արյան մեջ գլյուկոզայի ցուցանիշը բարձր է 240մգ/դլ-ից (13.3 մմոլ լ)։

‼️ Կորոնավիրուսով վարակվելու, ինչպես նաև այլ վիրուսների դեպքում, երբ առկա է ջերմության բարձրացում, բորբոքում, գլյուկոզան արյան մեջ կարող է բարձրանալ(արտադրվում են հորմոններ, որոնք ճնշում են ինսուլինի արտադրությունը և բարձրացնում են գլյուկոզայի մակարդակը), հետևաբար պետք է ավելացնել ինսուլինի դեղաչափերը։

✔️ Կանխարգելման միջոցներ✔️

‼️ Պետք է փորձել գլյուկոզայի մակարդակն արյան մեջ պահել նորմային մոտ։

‼️Հաճախակի կատարել չափումներ ։

‼️ Հեղուկներ շատ օգտագործել՝ ջրազրկումից խուտափելու համար։ 

‼️Սենյակի օդը պահել խոնավ(կարելի է օգտագործել խոնավացնող միջոցներ)։

‼️Հազալիս, փռշտալիս բերանը փակել արմունկով կամ անձեռոցիկով և անմիջապես դեն նետել։ 

‼️Հաճախակի լվանալ ձեռքերը մինչև 20 վրկ. տևողությամբ հատկապես ուտելուց առաջ և տուն մտնելիս։ ‼️Ախտահանել սեղանների մակերեսները, դռների բռնակները։

✔️ Ինչպես ասում են՝ ավելի հեշտ է կանխարգելել , քան բուժել։ Եղե’ք առողջ, զգոն, տեղեկացված և զե’րծ մնացեք խուճապից»։

✔️ Նյութի աղբյուրը՝ ADA

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica